My Ex Left Me in the Cold; His Rival Kept me in his Bed.

“Huwag mo na siyang antayin hindi na siya darating,”

Nakatayo si Astra habang nababagot na kakahintay sa boyfriend niya; hindi niya ininda ang malamig at malalaking patak nang ulan, ngunit nagulat na lamang siya nang marinig niya ang pamilyar na boses sa harap niya.

Hindi na rin niya maramdaman ang patak nang ulan sa katawan niya kaya unti-unti niyang iniangat ang ulo niya, at nakita niya ang lalaking may hawak na itim na payong na nakatapat na mismo sa buong katawan niya.

“A-Anong ginagawa mo rito? ”Tanong ni Astra sa lalaking hindi naman dapat naroon sa harap niya.

Seryuso lamang siyang tinignan ni Rhys, napakamot pa ito sa tungkil ng ilong bago muling nagsalita.

“Jacob is getting married.”

Napakunot ang noo ni Astra sa narinig niya, sandali pang nablangko ang isip niya, at tila sa kanya tumama ang napakalakas na kidlat dahil sa pagbiglang sikip nang dibdib niya.

“What did you say? ”tanong pa ni Astra kay Rhys.

Umaasang baka nagkamali lang siya nang pandinig, sapagkat sigurado naman siyang hindi siya magagawang lokohin ng boyfriend niya lalo pa nang gabing rin na iyon ay plano nilang tumakas kaya ilang oras din siyang naghintay sa pagdating ni Jacob sa kinaroroonan niya ngayon.

“Bago ka makipagtanan sa ibang lalaki, hindi mo man lang ba ako naisip, Astra? Ako na fiance mo."

Napangiwi si Astra sa sinabi ni Rhys; pinagkrus niya pa ang dalawang braso bago niya sinalubong ang matalim na titig ng binata.

“Fyi, hindi ibang lalaki si Jacob dahil boyfriend ko siya at siya lang ang mahal ko."

“But I'm your fiancé, Ast—"

“Not literally, our marriage was arranged by our parents. Hindi TAYO ang nag-decide non,” pagputol ni Astra kay Rhys at diniinan ang pagkakasabe nito sa mga linya niya.

Natahimik naman bigla si Rhys, ngunit walang pakialam si Astra; ang nais niya lang ay dumating na si Jacob para makaalis na sila.

Ngunit nagulat si Astra nang hinablot ni Rhys ang braso niya at sapilitang hinihila papalapit sa kotse nito.

“Hey! Anong ginagawa mo? Let me go, Rhys! "

“Stop! Wala akong oras para diyan sa tantrums mo. Anuman ang oras ay darating na ang mga reporter, kaya mas mabuting makalayo tayo sa secret place nyo ng lalaki mo."

“Lalaki ko? Ilang beses ko bang sasabihin sayo na boyfriend ko si Jacob! ”

“Whatever, Astra! ” Singhal pa sa kanya ni Rhys at sapilitan siyang pinasok sa Lamborghini nito.

Tila isang stuffed toy lang siyang basta na lang itinapon sa passenger seat at ni hindi man lang inisip kung masasaktan ba siya o mababalian.

“Piste ka, Rhys Clayton Almazan! ” pinaghahampas ni Astra si Rhys sa braso matapos sabihin yun.

Ngumisi lang si Rhys sa kanya. 

“You like my name? ” pang-aasar pa nito sa kanya, kaya mas lalong nainis si Astra.

“Mamamo like."

“What?”

“Watawat! Saan mo ba ako daldahin? ”tanong niya kay Rhys matapos niyang ayusin ang seatbelt.

Ngunit walang nakuhang sagot si Astra kaya tumingin ito sa gawi ng binata, napataas ang kilay niya nang seryuso itong nagmamaneho na animo'y wala itong naririnig.

Malayang napagmasdan ni Astra ang kabuuan ng mukha ni Rhys.

Ang makasama niya si Rhys sa ganong kalagayan ay parang sapol sa langit; hindi niya inaasahan na imbes si Jacob ang kasama niya ngayong gabi ay ang Isang Rhys Clayton Almazan ang nasa tabi niya na abala sa pagmamaneho.

Hindi naman sila ganon ka close para puntahan siya nito kahit pa mabalitaan nito na tatakas siya kasama ang ibang lalaki, dahil pareho naman nilang hindi gustong matali sa isa't isa; yun ang nasisiguro ni Astra.

Ang ina ni Rhys at ang mama niya ay mag bestfriend, at ito rin ang nagpasya na ipakasal sila kapag dumating na sila sa tamang edad, kaya simula pagkabata pa lang ay nakaplano na ang pagpapakasal nila, ngunit nang mamatay ang mama ni Astra, ang pamilya nila at pamilya ni Rhys ay hindi na gaanong nagkikita kahit may contact pa naman ang dalawang pamilya sa bawat isa.

Naging boyfriend niya si Jacob nang nasa college pa siya, and kampante siya na ito na ang mapapangasawa niya, ngunit hindi niya inaasahan na sa tagal nang panahon magmula nang pumanaw ang mama niya ay valid pa rin ang arrange marriage nila ni Rhys.

Tatlong araw na ang nakakalipas simula nang mamanhikan ang pamilya ni Rhys sa bahay nila, at kahit wala siya mismo nang araw na mamanhikan ang pamilya ni Rhys, pumayag parin ang papa niya.

“Alam ko naman na gwapo ako pero hindi na nakakatuwa yang titig mo, nakakatakot na,” napahinto si Astra sa pag-iisip nang pitikin ni Rhys ang noo niya. “Aray ha! Bakit ka namimitik? ”tanong pa niya sabay hampas sa braso ni Rhys.

“Bakit ka rin nanghahampas? Ano bang iniisip mo habang nakatitig ka sakin? Baka hinuhubaran mo na ako sa isip mo ha." 

“Aba bastos! Huwag mo nga akong itulad sayo, pervert! ”Lumayo si Astra nang kaunti kay Rhys at salubong ang kilay na itinuon ang tingin sa daan.

Si Rhys Clayton Almazan ay kilalang bilang Isang lalaking mapagmataas sa kapwa nito, maraming kumakalat na masamang balita tungkol sa kanya, lalo na ang pagiging babaero niya na kinaiinisan ni Astra.

Ayaw niyang magpakasal sa hambog at babaerong lalaki; ayaw niyang magpakasal sa lalaking kung kani-kaninong babae pumapatol, kaya naman nakipagkasundo siya sa boyfriend niyang si Jacob na tumakas upang hindi siya maipakasal kay Rhys.

Alas sais nang hapon ang usapan nila ni Jacob, pero pasado alas dos na nang madaling araw, ngunit walang Jacob ang nagpakita sa harap niya, bagkos ang lalaking gusto niyang takasan.

“Tahimik mo yata. Ganoon mo na ba ako ka-disgusto makasama? ” napukaw ni Rhys ang atensyon niya at napaharap pa siya sa gawi ng binata at matalim itong tinitigan.

“Aware ka naman pala na ayaw ko sa iyo, bakit mo pa pinipilit? Ganon mo na ba ako kagusto? ”Gustong sampalin ni Astra ang sarili niyang bibig dahil sa tanong na yun.

“Hindi kita gusto, Astra,” tila nabingi si Astra sa sagot ni Rhys, bahagya pang umawang ang labi niya at kumibot-kibot, ngunit walang boses na lumalabas. "Ginagawa ko ang lahat nang to para hindi na ako kulitin pa ni Mommy, dahil kagaya mo, may iba rin akong gustong makasama sa pagtanda ko."

“A-Anong ibig mong sabihin? "

“May mahal din akong iba, Astra,” seryusong sagot sa kaniya ni Rhys na nakapatahimik sa buong sistema niya at ang tanging naramdaman niya lang ay ang init ng pisnge niya dahil sa sobrang hiya.