Chapter 50: BK's POV

“MAHIRAP HULIHIN ANG daga kapag malawak.” Si Paul.

“I agree,” segunda ni Rixi.

“Kaya, tama lang na nasa isla sila.” ani naman ni Kevin.

Mataman siyang nakinig lang sa mga kaibigan. Kuha na niya kung bakit dinala ang Mama ni Daphne sa isla. Wala naman silang kalaban-laban sa mga tauhan ng mga Madrid.

“Bukas ang dating ni Max, tama ba?” Si Sadboy na kararating lang galing ng banyo.

Napasimsim siya ng alak nang marinig ang pangalan ni Max. Napakuyom siya ng kamao.

“Akala ko, nasa tamang pag-iisip si Max. Hindi ko akalaing magagawa niya ang lahat ng ito. Ang tagal din nating nakasama, at okay naman, tapos may hidden agenda pala. Ang hirap pala maging mayaman, ano? Buti na lang mahirap kami? Walang pag-aagawan, kaguwapuhan ko lang,” ani ni Sadboy na natatawa.

Nailing na lang sila ni Rixi. Pero si Paul, binato niya ng unan si Sadboy. Minsan talaga mahangin ang kaibigan niyang ito.

Kahit siya hindi rin siya makapaniwala. Ilang beses na niyang nakasama si Max sa misyon noon. Hindi pa