CHAPTER 4

  

PASURAY-SURAY at halos nakakapit na sa pader ang dalaga habang naglalakad papuntang powder room ng Orange Club Paradise sa isla ng Boracay. Umiikot na ang kanyang paningin at gusto ng bumagsak ng kanyang katawan sa sahig at doon na lang humiga.

“Yes! Yes! I’m very much okay.”

“Don’t mind me. Thank you!”

Ang sunod-sunod na sabi ng dalaga na nag thumbs up pa sa isang bouncer na lumapit para alalayan siya.

Umiral nanaman kasi ang defense mechanism ni Maricor at mabilis na hinarang sa pamamagitan ng pagtaas ng dalawang kamay at pag-wave na ipinakita sa papalapit na bouncer.

“Sigurado po ba kayo ma’am?” 

Ang concern na tanong ng bouncer.

“Yes, 100 percent kaya ko. Malakas to!” 

Ang sabi pa ni Maricor habang nakatukod ang isang kamay sa pader at ang sa kabila naman ay nagdemo na nagpapakita ng muscle sa kanyang kamay na tila siya talaga at super strong.

Pasado alas diyes na ng gabi at kanina pa nagsimula ang annual Love Boracay sa Isla. Apaka-uingay ng paligid at punong-puno ng tao ang bawat sulok ng isla. Napakarami talagang bakasyonista ang nagpupunta tuwing buwan ng mayo na sumakto sa summer season ng Pilipinas. Fully booked lahat ang mga hotel at napakaraming tumatambay sa mga clubs’ para uminom at mag saya. Isa na nga dito si Maricor kasama ang mga kaibigan niya. Matapos na manuod ng fireworks display kaninang alas otso sa front beach ay nagkayayaan na ang magkakaibigan na mag-jamming naman. 

Sa pader nalang siya humuhugot ng lakas para maka balance at makatayo. Namumungay ang mga mata sa sobrang kalasingan at pulang-pula ang magkabilang pisngi. Nagpakalasing talaga siya ng bonggang-bongga at nilunod ang sarili sa alak kahit na bawal ito sa kanya. Hindi lang dahil sa masaya siya. Ito ay hindi rin dahil sa celebration ng buong barkada dahil meron silang naitayong maliit na pasalubong center doon mismo sa isla. Kundi ang dahilan ay gusto niya ring makalimutan ang mga harap-harapang nalaman niya noong nakaraang pasko. Yes, let's recall what happened last December. Ang ultimate love ba naman ng dalaga ay harap-harapang nagpropose sa girlfriend nito. Hindi pa nakuntento ang bruho at itinaon pa na grand alumni ng saint Claire. Ang buong saksi sa mga kaganapan at ang mga alumna mula High School at College at ang pinaka worst ay nandoon ng araw na iyon ang ilan sa mga may alam na nobyo niya ang binata.

Kung malalaman lang ng mga estudyante niya at ng buong faculty sa isang unibersidad sa Iloilo na ang isang Ms. Hannah Maricor Evinah Morales Zaavedra na full time college instructress sa sikat na university ng Iloilo ay nandito sa isang club at nagpapakalasing habang sumasayaw at nakikiparty-party sa mga kaibigan at ilang mga turista. Tumutungga ng iba't ibang inuming nakalalasing habang umiiyak at ang nakakatakot ay baka may makakilala, makuhanan siya ng larawan at mapost pa sa social media. Pero wala siyang kiber ng gabing iyon.

She is popular in the name of Ms. Marie or Ms. Zaavedra in their school, but her friends used to call her Maricore. No one as in no one call her first name Hannah. Ayaw niya. As in naaalibadbaran siya everytime na may tumatawag sa kanya ng Hannah. May mga ala-ala kasing pumapasok sa kukute nito na gusto na niyang ibaon 6 feet below the ground or mga 12 feet para sigurado.

Nagwalwal talaga ito sa loob ng club as in! Nakakahiya man sa iba pero wala na siyang pakialam. Wala ng nararamdamang hiya ang dalaga dahil na rin sa epekto ng alak. Lango na siya sa alak pero yong puso niya ay feeling nito ay nasa loob ng bartolina at binubugbog ng kung sino man. Parang pinipiga at binubuhusan ng asido. Pero wala na talaga siyang pake ng mga oras na iyon kung may makakita o may magvideo pa at ipost sa social media. Wala! Wala! Wala! Sumadal ito sa sofa at nag-iiyak.

"Yong crush ko simula noong high school hanggang college ay nagpropose na sa girlfriend nito.”

“Yes! Awit, pain, pighati, lumbay, siphayo and etc. Super sakit ng mga nakita at nalaman ko!”

“Tila sari-saring punyal, pako, matulis na bakal ang bumaon sa baby kong puso!”

“Waaaaaaa! Huhuhu my heart!”

“Bakit?" 

Ang emote pa ng dalaga sa sa sarili nito habang umiiyak at tumutunga ng alak.

Nandoon na siya sa puwesto nilang magkakaibigan at nag eemote. Sumakit na ang paa nito sa kakasayaw at nagpaalam ako sa mga kabarkada na uupo muna. Hinubad niya ang tsinelas at pinatong ang paa sa center table ay may mga alak habang pasandal siyang umupo sa sofa. 

Last december ay alumni home coming nila sa High School at College. Dumalo siya doon not because mame-meet niya ang mga classmates and friends dati. Ang iba ay araw-araw naman niyang nakakasama. Kailangan niya lang dumalo dahil sa kadahilanang nagturo din siya doon for almost three years after makagraduate sa college. Umalis din siya after ng graduation ng mga estudyante niya at nagpahinga. After a year ay lumipat siya sa isang university. Aside from that ay need niya din ng closure sa taong inibig ng mahabang taon. Pero sobra pa sa closure ang nangyari. Harap-harapan iyong pagpapakita na di nito deserve ang dalaga dahil wala itong kuwenta. Matapos nga iyon ay di na niya alam kung bakit nasa kama na siya sa loob ng kanyang kwarto kinaumagahan. Di na niya alam kung paano siya naka-uwi at sino ang nagbihis sa kanya. Sa sobrang kalasingan ay wala na siyang maalala except sa nangyaring wagas na proposal. 

Namumungay na ang kanyang mga mata at at mainit na ang pakiramdam niya ng makapag-isip siyang maghilamos sa powder room ng club-hotel na iyon, pagewang-gewang siya habang naglalakad sa hallway ng club. Lumabas na nga siya at doon sana tutungo sa isang powder room sa labas. Gusto niya na ring makalanghap ng sariwang hangin. Kulang na nga lang ay maghubad ulit ito ng T-shirt sa sobrang init. Hindi na siya makalakad ng deretso at panay kapit ang ginawa niya a ding-ding ng hallway na ang kabila ay garden at may dalawang swimming pool pala ng club. Namamanhid na ang kanyang buong katawan at wala na rin siyang lakas. Medyo malamyos na din ang tugtog dahil nagpalit na ng DJ. Wala na ang budots kanina at kung ano-anong masasayang tugtog at medyo romantic na ang kanta. Napalitan na ang DJ na mukhang foreigner at banda na nga ang tumutugtog sa stage ng club. 

Babae ang bokalista. Nainis siya sa tugtog kaya nagtungo siya ng banyo para sana maghilamos. Imbes kasi na magsasaya ay heto nanaman at masakit na masakit sa puso ang kanta. Parang nawawarak ang buo niyang pagkatao. 

"Maricor ang tanga mo talaga!" 

Ang sisi pa ng dalaga sa sarili. Madaming tumatakbo sa utak niya palabas ng powder room nang biglang may bumangga sa kanya sa hallway. Hindi niya iyon napaghandaan kaya't natumba siya. Ngunit di naman sumayad sa sahig ang kanyang lasing na katawang lupa dahil may malalakas na mga bisig ng isang estranghero ang maagap na sumalo sa kanya at dahan-dahan siyang inihiga.