Kabanata 2

Nasubukan ko nang ipagtanggol ang sarili ko sa matandang 'to, pero siyempre mas pinanigan niya ang walang kwenta niyang apo. Napairap nalang ako sa hangin.

Tinanong niya pa 'yung dalawang t*ngang alipores ni Alicia kung totoo 'yon, at todo tango naman ang mga walang-hiya, at sinabi pang tinadyakan ko sila. Matindi 'di ba?

Eh, sila nga ang nanadyak sa 'kin. Baka kapag tinadyakan ko sila, eh, dumiretso na sila sa Pluto. 

Ang sasakit nila sa bangs.

At dahil nga ro'n, maghe-hello na naman ako sa walis, mop, at sa CR. So? Sanay na rin naman ako.

Mas dito pa nga ata ako natutong gumawa ng mga ganitong klase ng gawain kaysa sa bahay namin.

"Miss Amor, about your grades, I need to talk to your parents!" Malditang sabi ni Dean matapos ipahayag ang nakakatamad kong punishment.

Dinukot ko ang cellphone ko sa Gucci bag ko at tamad na ibinigay sa kaniya.

"Check mo nalang sa contacts ko 'yung number nila, at next time ilagay mo na sa contacts mo para hindi ka na mahirapan pa sa susunod, ma'am."

Mapang-asar kong sabi. 

Nagngitngit naman sa galit si Dean, well kahit na loka-loka akong estudyante, hindi niya ako bastang matatanggal dahil kaibigan ng parents ko ang owner ng Halemann bukod sa Sky Spade.

Pagkatapos niyang kunin ang numero ng magulang ko ay mabilis na 'kong lumabas do'n, gosh, kung impyerno na rito sa labas, doon naman ay parang trono na ni Satanas. Tsk!

Dire-diretso na 'kong umakyat at pumasok sa room, doon ako sa pinakadulong upuan, katabi ko ang dalawa kong kaibigan.

Sina Camila at Lavien. Ewan ko rin kung matatawag ko nga ba silang kaibigan, sila lang kasi ang nakakatiis sa b****a kong ugali.

Pero alam mo na, kapag sa kasayahan lang naman sila nandiyan, kapag may problema ako, naglalaho na sila. 

Pero hindi ako bitter, ah, sanay na lang kasi talaga ako.

Kaya rin natuto nanakong tumayo mag-isa. Dahil kapag nalulugmok ako, walang kahit isang kamay ang gustong mag-alok sa 'kin ng tulong para patayuin ako.

"Sis, what happened na naman ba?" Maarteng tanong sa 'kin ni Camila.

Napairap naman ako sa inis.

"Ang l*cheng Alicia na 'yon, tss!" Sagot ko. Alam ko namang pinanood din nila ako sa away ko kanina, baka nga isa rin sila sa nagvideo sa 'kin, eh.

"True ba kasing nilandi mo si Steven? Alam mo na, eh baliw na baliw din 'yon kay Steven," Sabat naman ni Lavien. Napa-paypay na lang ako gamit ang kamay ko bago naupo. My ghad, 'yung buhok ko!

"Seriously, Lavien. Ni-hindi ko nga malapitan si Steven, tapos lalandiin ko pa? Kung lalapit siguro ako ro'n, eh baka nagpaka-tutor pa sa 'kin 'yon," Irita kong sagot at umikot pa ang mata.

Isa kasi sa running for valedictorian at Cum Laude 'yon si Steven. Sa pagkakaalam ko rin ay katunggali no'n yung highest ranked Engineering Student dito, sa pagkakaalam ko rin ay Reigan ata yung pangalan, whatever. I am not interested at all.

Mga book worms, boring kayang mag-aral! Napailing na lamang sina Camila at Lavien, buti nalang at wala pa ang professor namin, late na siya nang ten minutes, pero wala pa rin akong pake.

"By the way, sis. Speaking of Steven, narinig ko na magba-bar hopping sila mamayang gabi, ro'n sa tinatambayan natin," Excited na sabi ni Camila. Agad nitong nakuha ang atensyon ko.

"Really?" Paninigurado ko. Tumango naman si Camila at halatang excited.

"Yep, atsaka hindi lang 'yon, isasama rin daw ang Sky Spades ro'n pati na rin si Reigan, 'yung cutie na Engineering at Valedictorian. Ang pogi rin no'n, sabi nila ay may abs daw," Gatong pa ni Lavien, medyo napangiwi naman ako.

Bukod kasi sa alam kong Valedictorian ang Reigan na 'yon, ayon din sa chismis ay mahirap lang daw 'yon at isa lang construction worker, kaya siguro may abs? Pero kahit na, kadiri, baka mamaya ay may anghit 'yon, o kaya amoy lupa.

Yuck!

Pero nagliwanag ako sa isa pang isipin, sasama ro'n si Steven. Baka chance ko na 'to para malandi na talaga siya, oh em gee! Tototohanin ko na ang chismis ni Alicia, para naman hindi masyadong masama ang loob ko.

"Punta tayo," Pag-aya ko sa dalawa.

"Basta ba libre mo," Sagot ni Lavien habang chinecheck ang bago nail polished niyang kuko. Napairap naman ako sa kaniya at napailing.

"Fine," Napangisi silang dalawa at napa-yes pa. Sakto naman at dumating na ang professor namin.

Nawala na ang antok ko kaya tumulala nalang ako sa hangin habang nagdi-discuss siya. Mabilis na dumaloy ang oras, nang uwian na ay magkakasama kami nina Lavien at Camila para stalk-in si Steven at ang barkada niya, hahantayin muna namin na makarating sila sa bar bago naman kami dumiretso at sumunod.

Nang makitang sumakay na sila sa kani-kaniyang mga sasakyan ay napa-yes kaming lahat. 

Magkakasama lang kami sa sasakyan ni Camila, hindi ko kasi pwedeng dalhin ang kotse ko, remember Manong?

Bukod sa family driver namin siya ay Spy din siya nina mommy at daddy sa 'kin, prohibited kasi ako sa bar.

Pero dahil matigas ang ulo ko, wala akong pake sa kanila. At wala rin naman talaga silang pake sa 'kin, eh. Ang mahalaga lang sa kanila ay ang kumpanya nila at ang pera.

Sobrang nae-excite ako na makarating sa bar. Sa wakas, makakalapit na rin ako kay Steven. I'm so excited!

Nag-uunahan kaming tatlo sa pila papasok sa Entrance dahil excite na excite kami. Nang matatakan ng bouncer ay nagtakbuhan kami sa counter habang nagtatawanan at sumasayaw dahil sa malakas na tugtugin.

This is it, kapag talaga nasa Bar ako ay para akong nasa langit. Dito ko lang kasi nagagawang tumawa, magsaya at mag-enjoy. Hindi rin ako magagawang husgahan ng mga tao dahil hindi nila ako kilala at ang mga ginagawa ko ay ginagawa rin nila.

Habang umo-order ay palinga-linga ako sa VIP tables, hinahanap ko kasi sila Steven. Saktong nakuha ko na ang alak na in-order ko nang matagpuan sila sa bandang dulo, katabi ng table nila ang table ng Sky Spade. Napangisi ako habang umiinom.

This is it, pancit!

H'wag kang mag-alala Steven, makukuha rin kita.

--