Kabanata 48

Sa totoo lang ay miss na miss ko na ang mag-ama ko. Wala na 'kong nakuha pang balita sa kanila magmula nang lumarga ako papuntang France. Kapag tinatanong ko sina mommy at daddy tungkol sa kanila ay laging hindi ng mga ito alam. 

Sila kasi ang kumakausap sa tutulong sa kanila habang wala ako. Pero sabi nila mommy ay hindi ko na dapat daw muna malaman upang hindi ko sila masiyadong ma-miss at makapag-focus ako sa pag-aaral, hanggang sa sobrang pangungulit ko ay sinasagot nalang nila ako na hindi raw nila alam.

"Yung tao namang may hawak ng contact kung sakaling manghingi ng tulong ang mag-ama ay sinasabing ni-minsan ay hindi raw tumawag si Reigan, base sa isang pagkakataon na nakausap ko ito noon. 

Sinubukan ko namang hanapin sa social media ang account ni Reigan, lalo na sa ginagamit niyang social media platform noon pero wala na ito. Malamang ay binura na niya.