Chapter Thirty-Seven: Ang Pagbabalik Ni Bethany Sa San Carlos

San Carlos City.

UMUWI sina Sheena, Daniel at Daniella sa kanilang probinsiya dahil nag-umpisa na ang kanilang Christmas and New Year break.

Naglalakad sina Daniel at Sheena habang may hawak silang mga grocery bags.Nag-promise kasi si Sheena na na ipagluluto niya ginisang munggo ang kanyang kaibigan dahil ito ang naging private tutor nila para sa kanilang final exams. Kung hindi siya tinulungan ng lalaki ay tiyak na magkakaroon siya ng failing grade sa kanyang major subjects.

"Hindi mo naman kailangang gawin ito, Sheena. Nakatulong din ang pagtu-tutor ko sa'yo dahil hindi rin naging boring ang pagre-review ko." ang sabi ni Daniel.

"Hayaan mo nang gawin ko ito, Dan. Kung hindi dahil sa'yo ay hindi ko maipapasa ang mga major subjects ko. Tiyak na lagot ako kay Papa kapag bumagsak ako. Ipagluluto kita ng paborito mong ulam bilang reward mo, okay?" Sheena insisted.

"Sige na nga, hindi na ako magpapakipot. Anyway, masarap ka namang magluto. At mukhang iyon lang yata ang maipagmamalaki