13

Jokos Montreos

Nakatanaw ako sa ibaba ng veranda habang inaalala ang nangyari kanina.

''Kamukhang kamukha niya si Wency.'' naibulong ko bago ko kinuha ang cellphone ko at nag-dial.

''Mr. Rod, may ipapagawa ako sa iyo. 'yung kamukha ni Wency na nakita natin sa lobby ng hotel paki kuha mo ang lahat ng files niya.'' sabi ko dito bago ko mabilis na ibinaba ang cellphone ko at tumingin naman sa madilim na kalangitan.

_____________

Hindi ako makapaniwala sa nakikita ko habang nakatingin ako sa babaeng nasa harap ko at nakayuko.

Napatingin ako kay Mr. Rod na halata rin sa mukha ang pagtataka at pagkagulat gaya ko. Marahil hindi ito makapaniwala ng makita ang kamukha ni Wency. Nasa gano'n silang sitwasyon ng dumating ang isang lalaki at lumapit sa kinaroroonan ng babae.

''Mika pagkatapos mo d'yan pumunta ka sa opisina ko.'' wika ng lalaki saka humarap sa akin at inilahad ang kamay.

''Mr. Montreos, ako si Mike Fuejo, ang presidente ng hotel.''

''Nice to meet you, Mr. Fuejo.'' ganti ko dito