CHAPTER 45

ADRIOUS CAESAR’S POV

13 YEARS BEFORE

“Ano bang kailangan mo?” sumilip ako sa may pinto nang marinig ko ang malamig na boses ng dad ko. May kausap siya na hindi ko kilala kung sino at mukhang kaaway siya ni Dad.

“Sinira mo ako sa mga business partners ko kaya’t nagsilipatan sila sa ‘yo! Dahil sa nangyari ay bumagsak pababa ang negosyo ko!” rinig kong pagalit na sambit ng taong kausap ni Dad. I was holding the door while my hands were shaking.

“Hindi ko na problema kung nagsilipat sila sa akin at lalo nang hindi ko sinira ang negosyo mo! I’m not that kind of businessman to do such dirty acts! I’m not like you. Sino kaya ang nagpadala ng mga pekeng papeles na nakapaloob doon ang kontrata na ipinapasara ko ang negosyo ko? Hindi ba’t ikaw?” balik na sagot ni Dad.

May humawak sa balikat ko at napagtanto kong si Mom ‘yon na halatang nag-aalala para kay Dad.

“Aba, tarant*do ka ah?” nanlaki ang mga mata ko nang biglang suntukin si Dad. “Bakit ako ang pinagbibintangan mo roon, huh? Kaya sa ak