CHAPTER 6

Napatakip ako ng bibig nang biglang sakalin ni Mr. Tuazon si Mommy kaya nagmadali akong tumayo para pigilan siya.

“Mr. Tuazon, bitawan mo ang mommy ko! Hindi siya makahinga!” tarantang pagmamakaawa ko at hinila ang kanyang braso. Imbis na magpatinag siya ay ipinalupot niya ang iba niyang braso para hapitin ako sa baywang at hinila malapit sa katawan niya.

“Sinabi ko naman sa ‘yo na ako ang makakaharap mo kapag sinaktan mo si Apple,” makapag-tindig balahibo nitong sambit at parang ready na sa pakikipag-awayan ang kanyang boses. “Sa akin na siya at nawalan ka na nang karapatan na sigawan siya o saktan nang pinirmahan mo ang contract. She will be my queen and no one can harm her not even you! Hindi mo na pagmamay-ari ang anak mo, Mrs. Fernandez!”

“P-Plea-please l-let me go. I-I can’t b-breathe…” hirap na hirap na pagmamakaawa ni Mom.

“Bitawan mo si Mommy! Bitawan mo siya!” Hinila ko ang braso niya pero parang batong mabigat ang hinihila ko. “Please! Let me go!” Binitawan naman niya ak