Chapter 88

Tunog ng cellphone ang narinig nila Annika at Manang Lumeng na nasa bulsa pala ng ginang. Mabilis na kinuha ni Manang Lumeng sa bulsa nito ang cellphone at agad ding sinagot ng makita kung sino ang tumatawag.

"Si Miley, gising na." pagpapabatid muna ng ginang kay Annika.

"Miley, narito ako sa labas ng silid mo." wika ni Manang Lumeng sa kausap sa cellphone at binuksan ang pintuan sa tabi ng silid ni Annika.

"Sumunod ka sa akin, Annika." utos sa kanya ng matandang babae.

"Manang, sino po siya?" tanong ng batang titig na titig sa mukha ni Annika.

"M-Mommy?!" sambit ng bata na nakatitig pa rin kay Annika.

Napatitig na rin si Manang Lumeng kay Annika na napakunot ang noo dahil sa tinawag siyang mommy ni Miley.

Napangiti si Manang Lumeng na marealize nitong kahawig niya ang ina ng bata.

"Kaya naman pala, kahawig mo Annika si Mylene kapag natitigan ka ng matagal." ang sabi sa kanya ni Manang Lumeng.

"Miley, siya si Miss Annika, ang bago mong nurse. Hindi siya ang mommy mo." saad ng ginang s