Chapter 6

"Cherry, ito oh! suotin mo na. Yan ang uniporme nating mga waitress dito." utos ni Tinay kay Cherry pagkapasok nila sa locker room.

Kinuha naman ni Cherry ang iniabot sa kanya ni Tinay.

"Mauna ka na magbihis sa loob ng banyo." utos ni Tinay sa kanya. Tumango siya at nagtungo na nga sa banyo.

Sakto namang may lumabas roon na kakatapos lang atang magpalit ng damit. Napansin siya nito at ngumiti sa kanya.

Nagbalik ngiti naman siya sa babae.

"Bago ka?" tanong sa kanya ng babae.

"Oo, kasama ako ni Tinay. Cherry nga pala!" sagot at pagpapakilala niya sa sarili.

"Ah! ako si Maricel, waitress ka din dito?" muling tanong nito sa kanya pagkatapos magpakilala.

Tumango siya. "Nice meeting you, Maricel. Magpapalit lang muna ako." aniya na ipinakita pa ang hawak niyang uniporme nila.

"Ay sorry, sige magpalit ka na muna." wika ni Maricel at nilapitan na si Tinay.

Sa loob ng banyo ay tinignan ni Cherry ang isusuot niyang uniform na binigay sa kanya ni Tinay. Napansin niya kase ang suot ni Maricel na kita ang tiyan at pusod ng babae at maiksi ang suot na palda. Kahit na may black na cycling short naman ay maiksi pa rin tignan at medyas na mahaba na abot hanggang sa hita niya.

Napangiwi siya ng makita ang hitsura niya sa salamin. Maganda naman sa kanyang tignan dahil bumagay sa kanyang magandang pangangatawan. Pero halata sa mukha niya ang pagkailang dahil hindi siya kumportable sa kanyang suot.

Nahihiya siyang lumabas ng banyo at magpakita sa ibang tao na ganoon ang suot niya.

"Wow ang sexy mo naman Cherry. Pak na pak ang kagandahan mo." bulalas na bigkas ni Tinay ng makita siyang kalalabas lang ng banyo.

Hindi naman makangiti si Cherry kahit na pinupuri pa siya ni Tinay. Panay naman ang hila niya sa skirt na suot na akala ata niya ay hahaba iyon sa kanyang ginagawa.

Lumapit si Maricel sa kanya at inayos ang pagkakatali ng suot niyang blouse.

"Ayan, okay na. Perfect!" sambit ni Maricel na pinasadahan pa siya uli ng tingin.

"Hindi pa perfect yan. Wait, halika saglit Cherry maupo ka rito at aayusan kita." wika naman ni Tinay sa kanila.

Sumunod naman si Cherry sa sinabi ni Tinay. Nakita niyang may mga inilabas itong pampaganda tulad ng foundation cream, lipstick, eye liner at kung anu-ano pa.

Nagpatianod lang siya sa ginagawa ni Tinay sa mukha niya habang si Maricel naman ay inaayusan ang sarili. At ng matapos ay hindi siya makapaniwala sa kinalabasan ng hitsura niya ng iabot sa kanya ni Tinay ang bilog na salamin. Hindi na niya halos makilala ang sarili kahit na simple lang naman ang pagkakamake up sa kanya ni Tinay.

"Grabe ang ganda mo, Cherry!" bulalas na sambit ng dalawa na nagsabay pa talagi ng pagsabi.

Nagkatawanan ang dalawa at siya ay napangiti naman. Dahil sa totoo lang kahit siya ay nagandahan sa sariling repleksyon.

"Salamat, kayo rin naman ang gaganda ninyo." aniya sa dalawa na napabungisngis.

"Wag mo na kaming utuin alam naman namin na hindi kami ganoon kaganda. Pero thank you pa rin sa sinabi mo. Pero ikaw sobra ang ganda mo girl mas magaganda ka pa sa mga g.r.o dito. Ingat ka nga pala kina Mandy at Gemmalyn masasama mga ugali ng mga yun. Kung guluhin ka iwasan mo na lang ang mga bully na yon." paalala ni Maricel sa kanya.

"Oo nga pala hindi ko nasabi sayo kanina Cherry. Kapag may nangahas na costumer na kulitin ka na itable lapitan mo kami ni Maricel o si Roy ang bouncer na nasa pinto ng entrance siya ang head ng mga bouncer sa club. Ipapakilala kita mamaya paglabas natin pati sa bar tender. Ang ibang waitress ay nasa labas pa maya-maya ay tayo naman. Sumunod ka na lang muna sa akin at pag aralan ang mga ginagawa ko para sa susunod ay alam mo na ang gagawin." bilin naman sa kanya ni Tinay.

May mga cctv nga pala sa bawat sulok ng club. Kaya wag kang tatamad tamad ha dahil makikita ka ni Madam Leah sa monitor. Magdamag lang yun si Manager sa loob ng room niya na nanunuod sa cctv. Lumalabas lang siya kapag may nagpatawag ng manager o may naghanap sa kanyang big time na costumer.

Tumango tango si Cherry na mataman na pinakikinggan ang mga sinasabi nila Tinay at Maricel.

"Malapit na ang oras natin magready ka na Cherry." saad ni Tinay.

"Teka, Cherry ba talaga ang gagamitin mong name dito sa club? Kase kami hindi tunay na pangalan ang pakilala namin rito. Alam mo na para sa seguridad na rin. Hindi talaga Maricel ang pangalan ko kahit naman si Tinay nakasanayan na lang niya ang palayaw niya ikaw ba?" litanya pa muna ni Maricel sa kanya.

"Ganun ba? Pwede kaya na Cherry na lang ang itawag ninyo sa akin, sanay ako sa Cherry. Kase ang full name ko naman ay Cherry Lou talaga." suhestiyon niya sa katrabaho.

"Ayus rin naman yan, sige Cherry na nga lang ang itatawag namin sayo." wika na ni Tinay.

"Tara na sa labas, ipapakilala pa kita kina kuya Roy at Arthur." pag aaya na nito sa kanila ni Maricel.

Nahihiya man si Cherry ay nilakasan na rin niya ang loob at sinabi pa sa sarili na. "Narito na ko, wala nang atrasan. Para makaipon para sa pag-aaral."

Tulad nga ng sinabi ni Tinay ay ipinakilala siya nito sa bouncer ng club na si Roy. Nanlaki ang mata niya sa sobrang lalaki ng muscle ng lalaki at medyo kinabahan pa siya nung una dahil sa pagkakatingin ng lalaki sa kanya pero nagbiro lamang pala at mabait ang awra nito sa kanya.

Sunod siyang ipinakilala kay Arthur ang bar tender ng club na may pagkamahangin ang dating para sa kanya dahil piling pogi ang lalaki.

Naipakilala na rin siya sa ibang waitress na nakita nila sa nadaanan nila ni Tinay.

Madami-dami na rin ang mga costumer na pumapasok na kahit na ordinaryong araw ay halos mapuno na rin ang buong club.

Napatingin si Cherry sa mga babaeng sumasayaw sa stage. Unang beses niyang makakita ng ganoon kaya ganon na lang ang pagkakaawang ng bibig niya na napansin ni Tinay. "bibig mo, wag ka magpahalata na inosente ka rito. Kapag napansin ka ng mga babaeng yan pagtutulungan ka ng mga yan. Umarte ka na balewala lang sayo ang mga nakikita mo." muling bilin ni Tinay.

"Sige, Tinay. Alam ko na ang gagawin ko." sagot niya.

"Ito, ballpen at papel. Ikaw ang magsulat ng mga orders ng costumer. Dapat alerto ka at mabilis." pagtuturo pa sa kanya ni Tinay.

"Ayun may bagong pasok, Sumunod ka sa'kin. Watch and learn." ani pa ni Tinay.

"Good evening sir, Your order, sir?" bati at unang tanong ni Tinay sa mga costumer.

"Ah yes, give us 2 buckets ng light pilsen miss and ano bang mga pulutan niyo rito?" Sagot ng isa sa mga lalaking nilapitan nila.

Mabilis naman ang naging galaw niya ibinigay niya ang tatlong menu na hawak niya.

Napansin siya ng isa sa mga lalaki. "Bagong waitress dito? Maganda ka miss, bakit hindi ka na lang nag g.r.o dito sayang naman hindi ka namin pwedeng makatable." ani ng lalaki na siguro ay matagal ng costumer sa club.

Hindi siya sumagot at hindi rin siya tumingin sa nagsalita. Hinawakan ni Tinay ang kamay niya at pinisil. "Sir, respeto naman po. Nagtatrabaho po kami ng maayos dito. Matagal na rin po kayong costumer dito at may rules po kaming pinatutupad dito sa club siguro naman po ay alam nyo na iyon." pakiusap ni Tinay at sumulyap sa pwesto ng bouncer.

"Sorry miss, mag order na lang tayo mga pare. Baka lapitan pa tayo dito ng manager nila masira pa ang kasiyahan natin. Pero siguro naman ay pwede namin siyang makilala." ani naman ng isa sa mga lalaki. Tumingin si Tinay kay Cherry at tumango.

"Cherry po ang pangalan ko sir." pagpapakilala niya.

"Cherry? ang ganda ng name mo, kasing ganda mo. Masarap din ang cherry." Sambit ng kasama ng nagtanong ng pangalan niya.

"Ehemm sir, nakilala niyo na siya oorder na po ba kayo o mamaya na?" pagtikhim ni Tinay upang maputol na ang usapan at matapos na sila sa pagkuha ng orders sa mga lalaking makulit.

Nagkatawanan ang mga lalaki. IIang saglit pa ay lumapit si Roy sa pwesto nila. "May problema ba rito, Tinay? Ginugulo ba kayo ng mga 'to?"

"Teka, nagpakilala lang naman kami sa bago ninyong waitress." paliwanag ng lalaking nag order kanina ng pilsen.

Tumingin si Roy sa kanila ni Tinay. "O- oo kuya Roy, nagtanong lang sila." ang sabi naman niya sa bouncer.

"Tawagin n'yo lang kami kapag may nanggulo sa inyo rito, Tinay." tumango sila kay Roy at iniwan na sila sa mga costumer at naglakad na pabalik sa pwesto nito.

"Magseryoso na tayo mukhang may nagmamay ari na rin kay Ms. Beautiful." wika ng isa sa mga costumer na hindi na lang pinansin ni Cherry.

"Oorder na po ba kayo mga sir?" tanong muli ni Tinay na medyo naiirita na.

"Sisig at calamares at buttered chicken na lang miss taray." sagot ng isa sa tanong ni Tinay na isinulat naman ni Cherry.

Nang makuha na nila lahat ng orders ay umalis na sila sa table ng mga lalaki. Upang ibigay sa cook ang inorder na pulutan at kunin ang 2 buckets ng pilsen iniabot naman sa kanila ang mga plates at baso na gagamitin ng mga costumer. Bumalik sila ni Tinay roon at inayos ang mga baso at 2 buckets. Nang maramdaman ni Cherry na may humipo sa kanyang hita.

"Sir, wala naman pong bastusan. Kaya nga po waitress pinasok ko rito at hindi g.r.o ay ayokong may hahawak sa akin. Respeto naman sir."

Mahinahon pero halata ang inis sa tono na sabi ni Cherry na naluluha pa. Bigla kase ay bumalik sa ala ala niya ang panghahalay na ginawa sa kanya ng lalaking may tattoo.

Mabilis siyang umalis at tumakbo papasok ng locker. Napatingin pa sa kanya ang kasamahang waitress na namamahinga ng mga oras na yon.

Tahimik siyang umiiyak at pinapahid ang luha na hindi niya mapigilan na tumulo sa kanyang pisngi.

May isa na lumapit sa kanya at inabutan siya ng tissue na tinanggap niya. Tinapik tapik pa ang likuran niya para lumuwag at mawala ang paninikip ng kanyang dibdib.

"Okay ka na?" tanong sa kanya.

"Thank you, Oo salamat okay na ko." sagot niya.

"Ano bang nangyare? Hulaan ko may nambastos sayong costumer?" muling tanong ng babae sa kanya.

Tumango siya rito at matipid na nginitian.

"Siguro kailangan kong sanayin ang sarili ko sa ganitong lugar. Kailangan kong magtiis ng ilang buwan para makaipon ako. Ang hirap naman!." wika niya na humugot pa ng malalim na hininga.

Napangiti naman sa kanya ang babae.

"Ganun talaga! Tiis lang. Maganda ka, marami magkakainteres sayo rito at dapat ay mag iingat ka rin kung gusto mong pangalagaan ang sarili mo sa ganitong lugar. Payo lang din wag kang magtitiwala kahit na kanino.Tandaan mo yan sis." makahulugang wika nito sa kanya.

Natigilan siya pero nagpasalamat uli sa babae.

"Ako nga pala si Cherry, ikaw?" pakilala niya.

"Melai ang pangalan ko. Balikan mo na si Tinay don at baka hinahanap ka na rin non. Nakita kita kanina na kasama ka niya. Busy lang ako kaya hindi ko kayo nalapitan sa labas. Huwag mong intindihin ang mga costumer na bastos. Umiwas ka na lang. Wala eh! iba kase mga mindset ng mga lalaking ganun. Iniisip nila na porket dito sa club nagtatrabaho ay bastusin na lahat. Balik ka na sa trabaho baka mapansin ni Madam Leah na wala ka roon at baka ma question ka pa." wika uli nito sa kanya.

Tumayo siya at inayos ang sarili. Nagpaalam siyang lalabas na at tinanguan lang siya ni Melai.