THREE

EMOSYONAL NA NAKATINGIN si Czarina sa malinis na kwarto sa kanyang harapan. Nakalagay na sa mga maleta ang gamit niya.

Sa bed side table ay ang picture frame na kuha noong kasal nila. Walang seremonya o selebrasyon. Larawan lang iyon nilang dalawa ni Zayden na nakaupo at may hawak na ballpen para pirmahan ang marriage certificate.

She knew better. Noon pa man ay alam na niyang hindi naman talaga siya ang gusto ng lalaki. Pero naghabol pa rin siya hanggang sa makarating kung nasaan siya ngayon.

Hurt, wounded, and broken.

Malungkot niyang pinahiran ang luhang tumulo sa kanyang mata at tumalikod na upang humakbang na palayo.

Tahimik ang bahay at sanay na siya roon. She feels lonely being there. Pero tiniis niya. Because she wants to be the home he'll went back to, always.

"Ilagay ko na sa sasakyan lahat ito, Cza?"

Lumingon siya kay Gardo, ang long-time family driver nila. Tumawag na siya agad sa pamilya niya nang mapagdesisyonan na tapusin na ang lahat sa kanila ni Zayden.

"Sige, kuya, susunod ako..."

Ngumiti sa kanya ang lalaki.

"Katulad ng pamilya mo, masaya ako na uuwi ka na roon. Makakahanap ka rin ng mas tatrato sa'yo ng tama."

A lump on her throat was formed upon hearing it. Kumurap-kurap siya upang mawala ang luha sa kanyang mga mata.

Kuya Gardo calls her Cza, first name basis sila at hindi siya tinatawag na 'Ma'am' dahil iyon ang gusto niya. Isa pa, parang totoong kuya naman ang trato niya sa lalaki, hindi lang basta driver.

Nang makaalis ang driver ay inilabas ni Czarina ang divorce agreement mula sa hawak niyang envelope. Pirmado na iyon ni Zayden at talagang hinihintay nalang ang pagpayag niya.

Binasa niya ng dalawang beses ang nilalaman no'n bago tuluyang pinadapo ang tinta ng ballpen sa papel at isinulat ang pirma niya.

*****

Namumutla na yung buong mukha niya kanina at nanginginig siya.

Umulit sa isipan ni Zayden ang mga sinabi ni Calix. Hindi niya alam kung bakit parang kinakabahan siya. Kinuha niya ang cellphone niya at tinawagan ang linya ni Czarina. Gusto niyang patunayan na okay lang ito at arte lang ang ginawa nito kanina.

Pero walang sumasagot.

Hindi siya mapakali at naisipan ng umuwi.

Dinatnan niyang tahimik ang bahay. May kakaibang lamig ang hangin at wala ni isang ilaw ang nakabukas. Binuksan niya ang mga ilaw at tahimik na nagmasid sa paligid. There's no trace of Czarina.

Napukaw ng isang envelope na nasa mesa ang atensyon niya. Lumapit siya at agad binuksan iyon para alamin kung ano ang laman.

And to his shock, he saw the divorce papers. May pirma nilang dalawa. Laglag ang panga at hindi makapaniwala si Zayden na tinotoo nga ni Czarina ang sinabi nito kanina.

"Dahil ayaw niyang mag-sorry kay Chloe ay ito naman ngayon ang palabas niya?" galit na sabi ni Zayden.

Nagmamadali itong nagtungo sa kwarto ni Czarina upang patunayan na isa lang ito sa mga prank na ginagawa ng babae.

The bed is clean. Maayos ang pagkakatupi ng mga bagay. Malinis ang buong kwarto, at sa sobrang linis ay wala na ni isang gamit ni Czarina ang naroon. The closet is empty, too.

Wala sa sariling napaupo si Zayden sa kama at tinitigang muli ang papel na hawak niya. Dapat ay matuwa siya roon, dapat ay magsaya siya. Pero sa halip na iyon ay galit ang nararamdaman niya.

*****

"Kakalayas mo lang, ah? Sure ka ayaw mong magpahinga muna?" tanong ni Klarisse, ang bestfriend ni Czarina.

Umiling si Czarina at muling tiningnan ang make-up sa salamin ng sasakyan ni Klarisse. Nasa tapat at naka-park na sila sa isang sikat na bar sa lugar nila. It's an exclusive bar inside a high class village na tanging mga nakatira lang doon ang pwedeng pumunta- or mga member ng village association nila.

"I feel like partying today," sabi niya at muling inayos ang lipstick bago hinila ang kaibigan papasok.

Ilang minuto palang ay napakarami ng lalaki roon ang napapatingin sa gawi niya.

"Dayumn, hot," dinig niyang sabi ng isang lalaki.

"Czarina Laude?"

"Oh fvck?! That's Czarina Laude? Hindi ko alam na ganyan pala siya ka-sexy sa personal?"

Pumunta sa gitna si Czarina at kumuha ng isang shot ng whiskey mula sa waiter na dumaan.

"How about, let's go and party wild tonight?" sigaw niya. "All drinks are on me!"

"Wooohhh!!"

Nagpalakpakan ang lahat at maski ang DJ ay na-hyper. Naglabas ito ng magagandang party song at animo'y huling gabi na nila sa lugar na iyon kung magsaya.

Czarina swayed her hips and followed the rhythmn of the music. Nakailang kuha na rin siya ng alak at alam niyang medyo may tama na siya pero wala siyang pakielam.

"Hi," may lumapit sa kanyang lalaki na medyo malagkit ang tingin.

"Hi," ngumiti siya pabalik sa lalaki at wala sa sariling inilagay ang dalawang kamay sa batok ng lalaki.

Lalong ngumiti ang ngisi ng kaharap at hinapit ang bewang niya palapit lalo.

"May magagalit ba kapag hinawakan kita at isinayaw dito?" sambit ng lalaki at nagtaas pa ng kilay na animo'y nagbibiro.

Czarina chuckled sexily. "Trust me, wala, kahit higit pa roon ang gawin mo."

"Wwoooohh!!" dinig niyang asar ng mga naroon.

"Vince, mahal kita, pero kung si Czarina lang din makakalaban ko, magpaparaya na ako," sigaw ng isang babae sa gitna ng crowd.

Natatawa na umiling nalang ang lahat. Sa kabila ng kaguluhan ay nakatitig lang si Vince kay Czarina. Napansin ng babae na sa mga labi niya nakatutok ang mga mata ni Vince. He gulped like he wants to taste her so bad.

Dahil sa kalasingan ay wala na rin sa tamang pag-iisip si Czarina. Her heart is broken. Ang asawa-- oopss, ang ex-husband niya ay busy sa babae nito. Siguro naman ay ayos lang kung maging abala rin siya sa ibang lalaki.

Tumingkayad siya at pinadapo ang labi sa mapupulang labi ng lalaking kaharap. Nang hindi agad mag-responde ay napaatras siya pero agad siyang hinapit muli ni Vince at ngayon ay ito naman ang naunang humalik.

His kisses deapens, tila uhaw na uhaw sa mga labi ni Czarina. Dikit na dikit na ang mga katawan nila sa isa't isa, wala ng pakielam sa mga taong nakatingin.

'Ganito rin ba siya makipaghalikan kay Chloe? Kung kaya niya ay kaya ko ron...' aniya sa kanyang isipan.

"Gosh, get a room, guys."

"Wait, hindi ba kasal si Czarina sa panganay ng mga Hart? Si Zayden?"

Nang maputol ang halikan nilang dalawa ay hinarap niya ang gawi nung nagtanong.

"Oh, come on, don't mention bad things right now," sabi niya at umiling. "And for the information of everyone..." Itinaas niya ang ring finger. "Divorced... and happily single."