TWO

"LET GO OF ME!" naiinis na sabi ni Czarina at itinulak ang kamay ng lalaki. "Hindi ako sasama sa'yo at hindi ako magso-sorry sa babaeng iyon."

"Ganyan ka ba talaga? Wala kang puso? You almost killed her!" marahas na wika ni Zayden.

Pumikit ng mariin si Czarina. Kung may muntik mang mamatay dito ay siya iyon at hindi si Chloe.

Masama naman ang tingin ni Zayden kay Czarina. Hindi niya lubos akalain na ganito kasama ang babae. Habang tumatagal ay lumalala ang mga ginagawa nito at hindi niya na hahayaan na mas grumabe pa iyon. He is determined to make her apologize.

"Kahit ano pa ang sabihin mo ay hindi ako magso-sorry sa kanya," ani Czarina.

Nagulat si Zayden sa naging pagsagot nito.

"Inilalabas mo na ba ang tunay na kulay mo after many years?" Nagtaas ng kilay si Zayden. Kumibot-kibot ang labi nito na tila marami pang gustong sabihin.

Suminghal si Czarina at hindi makapaniwalang tiningnan si Zayden.

"You don't respect me at all, do you?" tanong niya sa lalaki. "Just because of that girl?"

Mahigpit na hinawakan ni Zayden ang braso ni Czarina at ang mga mata nito ay nagbabanta.

"Dare to disrespect her again--"

"And what?" matapang na nagtaas ng noo si Czarina. It pains her... a lot. Pero ubos na ubos na siya.

Hanggang kailan niya ba titiisin ang lahat para kay Zayden? Sa kanila ni Chloe ay siya ang nagmumukhang kirida. Siya ang habol ng habol sa lalaking hindi naman naglalaan ng oras para sa kanya.

Zayden has only two priorities in his life. His business and Chloe. Wala si Czarina roon... kahit na siya pa ang asawa nito sa papel.

"Please!" napipikon na sabi ni Zayden. "Stop being a brat!"

"Do you really love her? That much? To disrespect me so much? Huh?" dire-diretsong sabi ni Czarina. "Mas gugustuhin mo ba na siya nalang ang asawa mo?"

"Yes," malamig at mabilis na sagot ni Zayden.

Natigilan si Czarina. Mas lalong bumaba ang self-esteem niya at sa mga oras na iyon ay gusto nalang niyang lamunin ng lupa. All her hardwork for years? It means nothing to him.

Huminga siya nang malalim bago binanggit ang mga salita na hindi niya alam kung pagsisisihan niya.

"Let's get a divorce..."

Nagulat si Zayden sa narinig. Sa kanilang dalawa, sa madalas nilang pagtatalo, ay siya ang laging nagsasabi no'n. Ayaw ni Czarina at ayaw rin ng pamilya niya. Kaya naman hindi niya inaakalang maririnig niya iyon ngayon sa bibig ng babae.

Umiling ito at inisip na technique lang iyon ni Czarina para hindi mag-sorry kay Chloe.

"Ganyan ba talaga kataas ng pride mo? Just go and apologize!" iritadong sabi niya pero hindi niya makitaan ng ano mang emosyon si Czarina.

Kasabay ng malamig na ihip ng hangin ay ang lamig na bumalot sa puso niya.

Ngayon niya tuluyang napagtanto kung ano siya para kay Zayden. In a life and death situation, he'd choose Chloe over and over again. Sinuway niya ang mga magulang para sa lalaki, tiniis niya ang lahat ng sakit... pero sa huli ay talo pa rin siya.

"Pagod na ako, Zayden, tapusin na natin ito."

Zayden froze. Sa unang pagkakataon ay narinig niyang binigas ni Czarina ang buong pangalan niya, bagay na hindi nito ginagawa.

"Now, you're threatening me with divorce?" mapaklang tumawa ang lalaki. "Go of you can," hamon niya sa babae.

Mapait na ngumiti si Czarina.

'S'yempre, sino ba ako para pigilan mo? Eh, pabor iyon sa'yo at sa babae mo.' aniya sa kanyang isipan.

Nagkatitigan sila pareho, walang gustong magbaba ng tingin na para bang ang unang bumitiw ay talo. Hindi ma-pride na tao si Czarina at hindi rin ito spoiled brat tulad ng binibintang sa kanya ni Zayden.

She's just a soft-hearted girl that is really broken inside.

Tumungo si Czarina at huminga nang malalim. Umatras ito ng dalawang beses, tumalikod, at iniwan doon si Zayden.

Sinundan ng tingin ni Zayden si Czarina. Alam niyang hindi nito gagawin ang divorce na sinasabi niya. After all, it was her who wants this marriage.

"Bro," tawag ni Calix at lumapit sa kanya. "Nasaan ang asawa mo?"

Nagkibit ng balikat. "Malay ko."

"Kawawa iyon kanina, halos maubusan na ng hangin sa katawan. Nakainom din ng madaming tubig," sabi ng kaibigan.

Zayden smirked. "Palabas niya lang iyon."

Sa isip ni Zayden ay hindi totoo ang mga bagay na iyon. Bata palang ay nagswi-swimming lessons na si Czarina kaya imposibleng sa pool lang ay malulunod siya.

"Sabagay. Grabe naman ang asawa mo, talaga bang tinulak niya si Chloe?"

"The usual," malamig na sagot ni Zayden.

"Pero hindi eh," sabi ni Calix. "Bro, imposible na palabas niya lang iyon. Namumutla na yung buong mukha niya kanina at nanginginig siya. Sigurado ka bang marunong siyang lumangoy?"

Hindi nakasagot si Zayden. Alam niyang marunong lumangoy si Czarina pero hindi niya matandaan kung kailan niya ito huling nakita na nag-swimming. Ni hindi nga ito nakapang-swimming kanina at mukhang walang balak maligo.

Umiling siya at inalis iyon agad sa isipan. Hindi na niya sinagot ang tanong na iyon ni Calix at agad nagtungo sa hospital.

*****

"HUWAG MO NA AWAYIN," mahinang sabi ni Chloe habang nakatingin kay Zayden. "Baka hindi niya naman sinasadya."

"Sinadya o hindi, dapat ay hindi na siya naglalalapit sa'yo," iritadong sabi ni Zayden. Pakiramdam nito ay responsibilidad niya si Chloe.

"Calm down, alright?" ngumiti si Chloe at hinawakan ang kamay ni Zayden. "Smile ka na, Zi, hmm?"

Tumango si Zayden at pinagbigyan ng ngiti ang babae. Ang maamong mukha nito ay mas lalong nagpaigting sa galit na nararamdaman niya sa kanyang asawa.

'Kaibigan niya si Chloe, at napakabait ng babaeng ito. Paano niya nagagawang saktan?' sa loob ng isipan niya.

"I'm really sorry," mahinang wika nito habang nakatingin sa nakatusok na kung ano sa kamay ni Chloe. "Kung sana hindi kita iniwan doon kanina--"

"Ano ka ba, 'wag ka nga'ng ganyan. I'm fine, okay?" ngumiti si Chloe sa kanya.

"Wala ka sanang phobia sa tubig kung hindi dahil sa akin. This is my fault, I should have been more careful. Palagi ka nalang napapahamak dahil sa akin."

Lumikot ang mga mata ni Chloe at iniwasan makita ang mukha ni Zayden.

Hanggang kailan ba siya magsisinungaling tungkol sa bagay na iyon? O may balak pa ba siyang amin iyon sa lalaki?

'Not until I become Mrs. Hart.' wika niya sa isipan.