FOUR

"DIVORCED?" Nanlalaki ang mga mata ni Calix nang marinig at makita sa personal na inanunsyo iyon ni Czarina.

Nilingon niya ang katabing lalaki na kanina pa galit na galit na nakatingin kay Czarina.

Yes, he was there. Naroon sa mismong bar na iyon si Zayden at matamang nakamasid. Dismayado siya sa nakikita pero pinipigilan niya ang sariling gumawa ng eksena.

"Wait, so, ang ibig sabihin ba no'n ay--"

"Shut up!" iritadong sabi ni Zayden kay Calix. He gritted his teeth in anger. Tumingin siya sa malayo at pilit kinalma ang sarili.

Nang medyo kumalma na ang pakiramdam niya ay bigla namang nagsigawan ang lahat at bigla siyang napalingon. And there, he saw a drunk woman dancing sexily in front of the crowd. Nasa gilid lang nito si Vince na nakahawak sa bewang niya, nakangiti, at tila proud na proud kay Czarina.

"Fvck. She's too drunk," sabi ni Zayden.

Wala sa sariling naglakad siya patungo sa gitna at hinila ang palapulsuhan ni Czarina.

Nag-angat ng tingin si Czarina at kahit lasing ay malinaw pa naman ang mata niya at sigurado siya kung sino ang humigit sa kanya.

"Bitawan mo ako..." mahinang sambit niya at pilit nagpumiglas sa lalaki.

"Bro, bitawan mo si Czarina--"

"Fvck off. I'm her husband," galit na sabi ni Zayden at hinila palayo si Czarina.

Wala ng nagawa ang babae dahil binigawan na rin siya ni Vince, nakatakot na ang huli nang mapagtanto kung sino ang humila kay Czarina.

Galit na binitawan ni Zayden si Czarina nang makarating sila sa tapat ng kanyang sasakyan.

"What the hell are you doing?!" sigaw niya rito. "Ano ka? Bold star? And what? Announcing that we are already divorced?"

Wala sa sariling natawa si Czarina.

"Ano ba'ng problema mo sshhinabi ko bang... ugh! Nahihilo--"

"Damn, why do you have to drink so much?" naiinis na sabi ni Zayden.

Magsasalita na sana itong muli nang may lumapit na babae.

Nakilala agad iyon ni Zayden. Kaibigan iyon ni Czarina mula pa noong high school.

"Ako na ang mag-uuwi sa kanya," sambit ni Klarisse at hinawakan ang braso ni Czarina.

"No, sa iisang bahay lang din naman kami kaya ako na ang mag-uuwi sa kanya," agad na tutol ni Zayden.

Umiling si Klarisse. "She moved out already. Kinuha niya na lahat ng gamit niya. Don't tell me hindi ka pa umuuwi kaya hindi mo pa alam?" she scoffed. "Sabagay, kung abala ka ba naman sa ibang babae."

Pumikit ng mariin si Zayden at hindi na nakipagtalo pa kay Klarisse. Gusto niyang magalit pero ayaw niyang ibato ang galit sa ibang tao.

"We'll talk after you sober up," sabi niya kay Czarina.

"Talk?" Tumawa ang babae na parang nababaliw na. "Talk sh*t ka, gago..."

Gulat na tumingin si Zayden sa kanya. Ngayon niya lang narinig na magsalita ng ganoon si Czarina.

Tumawa ang babaeng katabi nito. Kaya naman pinukol iyon ng masamang tingin ni Zayden.

"What?" natatawang sabi ni Klarisse at agad inalalayan palayo roon si Czarina.

"Napadami yata ng inom ang asawa mo, ah?" sabi ng kararating lang na si Calix.

Walang emosyong tinalikuran iyon ni Zayden at sumakay sa sasakyan. Bago umalis ay binuksan niya ang bintana at kinausap si Calix.

"Run a background check on that guy," sabi niya na ang tinutukoy ay ang lalaking nakahalikan ni Czarina kanina. "At siguruhin mong walang lalabas na kahit anong balita o pictures. My grandmother will kill me if she finds out."

Iyon at pinaharurot niya na ng mabilis ang sasakyan na tila doon binubuhos ang galit.

*****

"ANO?? GINAWA KO IYON?" histerical na reaksyon ni Czarina nang ikwento ni Klarisse ang mga nangyari kagabi.

"Kung nakita mo lang, galit na galit ang asawa mo," kwento pa ng kaibigan.

Yumuko si Czarina, may mga ilang parte siyang naalala sa nangyari kagabi.

"Natatakot lang iyon na magkalat ako," sabi niya. "Imposible namang magkaroon ng pakielam iyon, panigurado ay ayaw niya lang madumihan ang imahe niya."

Nagkibit ng balikat si Klarisse. "Sabagay. Actually, 'wag na nga nating pag-usapan ang siraulong asawa mo. Mag-ready ka na dahil may dinner party na in-organize ang family mo para sa'yo."

"Ha?" Natampal niya ang noo. "Sinabi ko na nga na 'wag muna ipagsabi na bumalik na ako rito, eh."

Natawa si Klarisse sa reaksyon niya.

"Excited na ang buong pamilya mo na makita ka, ano pa ba ang magagawa mo? Pupunta rin ang lolo at lola mo. Dapat nga excited ka. Ngayon na makikipaghiwalay ka na sa asawa mo ay nagpa-party na ang lahat."

Mapait na ngumiti si Czarina. Hindi sa ayaw ng pamilya niya kay Zayden. Ang ayaw ng mga ito ay ang paghahabol niya sa lalaki. Alam nilang lahat na sa kanilang dalawa ay si Czarina lang naman ang may gusto sa lalaki.

Iniwan niya ang pamilya niya at ipinilit ang sarili sa lalaking kahit kailan ay hindi naman pala susuklian ang pagmamahal niya.

"Ako na bahala sa make-up mo, hmm? Dali naaa, maligo ka na."

Wala na siyang nagawa at tumayo na upang sundin ang sinabi ni Klarisse.

*****

SA MALAWAK NA GARDEN ng mga Laude ay may mahabang mesa silang inilagay. May mga naka-serve na na masasarap na pagkain at may wine na rin doon na nakahanda.

Gabi na at ang mga maliliit na ilaw na nakapalibot sa buong lugar ang lalong nagbigay kulay sa parteng iyon ng bahay.

"Hi, honey," humalik sa kanya ang mga tito at tita niya.

Niyakap rin siya ng lolo at lola niya. Lahat ay tuwang-tuwa nang malaman na hihiwalayan niya na si Zayden.

She's Czarina Laude, ang nag-iisang anak ng mga Laude. Paboritong apo at paborito ring pamangkin ng halos lahat ng mga tito at tita niya.

Everyone treats her a princess here. Hindi niya alam kung bakit nagtiis siyang tratuhing walang kwenta sa pamamahay ng iba.

"Ngayon na nandito ka na, magtatrabaho ka na ba sa hospital, hija?" tanong ng lola niya na isang sikat at talented na heart surgeon.

Ang asawa nito ay neurologist at halos lahat sila ay nag-aral ng medisina.

"Ma, mas maganda na mag-focus nalang siya sa business kaysa magtrabaho pa bilang doctor," sabi naman ng ama ni Czarina na may sariling kumpanya kung saan nagfa-franchise sila ng marami at iba't ibang brand.

"Naku, kinukuha nga ring model itong si Czarina, eh, bakit hindi ka nalang mag-model, hija? Para naman may maiba naman sa pamilyang ito."

At tuluyan ng nagtalo-talo ang mga ito. Wala pa sa isip ni Czarina ang mga bagay na iyon. Biglaan ang lahat at hindi niya pa alam kung ano ang gagawin.