Chapter 7

Sophia

Umuwi ako bandang alas-singko ng hapon pagkatapos ng office hours. Nagulat pa ako dahil may ibinigay sa akin si Ma’am Andrada na damit at sapatos. Ang bilin daw ng Kabute ay hintayin ko siya at susunduin niya ako.

Naligo na ako pagdating ko sa apartment. I blow dried my hair at saka naglagay ng konting make up. Nasanay na ako maglagay ng ganito since nagtrabaho ako bilang waitress at required kasi iyon.

Maganda ang kulay itim na gown na pinapasuot sa akin ni Kabute. Bagay na bagay din dito ang sapatos na 3 inches ang takong. Kulay pula iyon at sobrang kumportable sa paa.

Itinaas ko ang buhok ko at hinayaang nakalugay ang ilang hibla. Nagwisik ako ng konting pabango. Regalo ito sa akin ni Trevor nung nakaraang Pasko. Nang makuntento na ako ay naghintay na ako sa sala sa pagsulpot ni Kabute.

May purse na kasama ang gown. Sakto lang para sa lipstick at powder ko pati na ang phone. Kinuha ko na ito at sakto paglabas ko ng kwarto sy tumatawag na si Kabute.

Hindi ko na iyon sinagot at binuksan ko na lang ang pinto.

Napigil ko ang hinga ko ng makita ko siya. Ang guwapo niya sa suot niyang three piece suit. At ang bango din niya dahil abot na abot sa ilong ko ang pabangong gamit niya.

“Are you ready?” tanong niya sa akin.

Tumango nalang ako at saka ako pumihit para isara at i lock ang pinto.

Naramdaman ko ang kamay niya na hawak ang kamay ko. Pinagsalikop niya iyon at hindi ko nanaman maiwasang kabahan.

Ewan ko ba kung bakit hindi ako masanay sanay sa ganitong galawan niya samantalang madalas naman niyang ginagawa ito.

Inayos niya ang seatbelt ko pagkaupo ko ng sasakyan kaya pakiramdam ko lalo akong hindi makahinga. Ang bango lang talaga niya!

“Where do you want to eat?” tanong niya habang umuusad ang sasakyan

“Anong oras po ba yung show? Baka po mahuli tayo?” tanong ko

“Nine Pm pa yon, so may time pa tayong magdinner mi amor. Ayaw ko na nalilipasan ka ng gutom.” sabi nito while his eyes are on the road

“Ikaw ang bahala.” Yun nalang ang sagot ko kasi syempre siya nanaman ang masusunod

“It’s a good thing hindi mo na ako kinokontra.”

Narinig kong sabi niya pero hindi na ako kumibo. Ayaw ko na lang na mag-away pa kami kaya kailangan ko ng ibayong pasensya pagdating sa kanya.

Huminto kami sa isang restaurant. Sosyal ang lugar at kung hindi siguro ako nakabihis ng maganda ay nungka akong papasok dito.

Magalang kaming sinalubong ng waiter at dinala sa lamesa. Pagkabigay ng menu ay tinanong ako ni Kabute kung ano ang gusto kong kainin.

“Bahala ka na kung ano. Huwag lang hipon at ung mga kauri niya.” tamad kong sabi

Narinig ko ang mabigat na pagbuntong hininga ni Kabute.

“Kung hindi ka nagugutom, umalis na tayo!’ mahina namang sabi niya pero may diin kaya alam ko naiinis na naman ito.

Agad akong napatingin dito.

“Ano na naman bang problema?” tanong ko sa kanya

“Ayoko lang maramdaman na napipilitan ka lang!” maktol nito

Nasapo ko ang noo ko. Ang hirap talagang ispelengin ng taong ito. Sasakit ang bumbunan ko sa mga inarte niya.

“Ganyan ka ba manligaw?” tanong ko dito

“What?”

“Kasi kung nanliligaw ka, dapat hindi ganyan! Ang init ng ulo mo tapos paladesisyon ka pa!” inis kong sabi sa kanya

Nakita ko namang nagbago ang mukha nito. Ngumiti na ito sa akin pagkatapos ay inabot ang kamay ko .

“I’m sorry mi amor! Gusto lang talaga kitang makasama. Matagal ko itong hinintay so I hope you understand kung bakit ako ganito.” paliwanag niya

Tumango na lang ako dito. Hindi ko alam kung matatagalan ko ang ganitong sitwasyon namin. Away bati. Kailangan ko talaga ng mahabang pasensya sa kanya. Kailangan ko siyang intindihin dahil kailangan ko ng trabaho.

“Mag-order ka na po. Baka mahuli tayo sa show.” kalmado na ang boses ko ngayon

He just smiled and called the waiter. He ordered the food kaya naghintay na lang ako.

“Mi amor, pwede ba akong mag request?” tanong niya uli sa akin

“Basta po kaya ko.” walang atubiling sagot ko

“ Alisin mo na yung po. Nagmumukha naman akong tatay mo!” natawa siya sa sariling biro kaya naman napangiti na din ako.

Sobrang guwapo niya lalo pag nakangiti at tumatawa.

“I’m only 32 mi amor. 10 years is not that big for an age gap right?” dagdag pa nito

“10 years? Oh my God! Ang laki naman pala ng tanda mo sa akin!” iling ko dito pero sa loob ko alam ko naman na hindi halata iyon. Kung ako nga ang tatanungin parang ka edad lang niya si Coleen.

“Hey I’m not that old! Isa pa mas masarap magmahal ang mas may edad!” depensa niya kaya napangisi ako

“Edi inamin mo din na may edad ka na!” biro ko dito.

Sasagot pa sana siya pero dumating na ang mga pagkain namin kaya agad nanaman niya akong inasikaso. Somehow, nararamdaman ko talaga na espesyal ako sa kanya. The way he treats me, para bang mahal na mahal niya talaga ako.

“Ako na. Kumain ka na din.” Pigil ko dito at mabuti nalang sumunod siya

Maayos naman ang naging hapunan namin. Nabawasan ang bangayan at naging masaya naman ang kwentuhan namin.

After paying the bill, hinawakan na naman niya ang kamay ko palabas ng restaurant. Inalalayan sa pagsakay at inayos ang seatbelt.

Nagmaneho na ito papunta sa venue ng fashion show.

“Huwag kang aalis sa tabi ko, mi amor. Maraming mga lalake mamaya dun at gusto ko maintindihan nila na akin ka!” ayan nanaman siya sa ugali niya

“Hindi mo pa ako syota! Ni hindi pa nga kita sinasagot eh napaka possesive mo na!” surprisingly hindi ako nakaramdam ng inis. More of pangaasar ang peg ko

“Don’t use that word mi amor! Hindi magandang pakinggan yung salitang ganyan. Pwede naman sabihin boyfriend, wag lang syota!” siya naman ata ang naiinis ngayon

“And besides, I am marking what is mine. Hindi ako papayag na may ibang aaligid aligid sayo.That is how possesive I am kaya masanay ka na!”

Bahala nga siya sa buhay niya. Hindi ko na lang ako sinagot. Hindi niya ako madidiktahan kung ano ang gusto ko.

‘talaga ba, Sophia? kaya mo?’

Itinuon ko na lang ang mata ko sa kalsada at nanahimik hanggang marating namin ang venue

As usual hawak agad niya ang kamay ko kaya naman pagpasok namin sa loob at kita mo naman ang reaksyon ng mga tao. Pilit kong hinihila ang kamay ko pero hindi naman niya pinakawalan.

Pinandilatan ko pa ito ng mata pero ganun din ang ginawa niya sa akin.

“Stop it!” He warned me

“Hendrix! Sophia!” tawag sa amin ni Coleen kaya napalingon kami pareho sa pinanggalingan ng tinig

Napa oh pa ito ng makita niya ang magkahawak na kamay namin.

“Dito ang pwesto natin! Tara na!” aya niya sa amin kaya sumunod na kami

Kahit ng makaupo ay hindi pa rin siya bumibitaw kaya hinayaan ko na lang. Pakiramdam ko nga pawis na ang kamay ko sa tagal ng pagkakahawak niya.

Minutes later nagsimula na ang show. Namangha ako dahil ito ang unang beses na makakasaksi ako ng ganitong palabas. Ang gaganda ng mga damit at ang huhusay ng mga modelo.

Sana dumating ang araw na makita ko din na inirarampa ang mga disenyo ko.

Lumabas ang mga modelong lalake at nakita ko na kasali dito si Trevor. Masaya ako para sa kaibigan ko kasi hindi siya nawawalan ng trabaho. Magaling naman kasi siya at may K!

Pumalakpak ako kaya nagulat si Kabute dahil bumitaw ako sa kamay niya. Pagtapat ni Trevor sa amin, kumindat pa ito sa akin kaya naman ngumiti ako dito.

Paglabas ng mga lalakeng modelo ay nagulat ako ng hilain na naman ako ni Kabute patayo

“We’ll go ahead, Coleen!” paalam nito sa pinsan niya

“Wait! Hindi pa tapos ang show!” reklamo nito

Hindi naman ako nakapagsalita at nakapagpaalam man lang kay Coleen dahil para nanamang ipo ipo ang lalakeng ito sa bilis ng paghatak niya sa akin.

Pagdating namin sa kotse ay agad niya itong binuksan at isinakay ako doon. Halata nanamang bad trip ang lalakeng ito at tila alam ko na ang dahilan.

Binuhay niya lang ang sasakyan at hindi naman ito pinaandar. Nakahawak lang ang kamay niya sa manibela habang taas baba ang balikat dala ng malalim na paghinga.

“I’m sorry!” mahinang sabi niya “ I lost my control! Nagseselos ako mi amor. Ayoko ng ganitong pakiramdam pero hindi ko mapigilan.”

“Bakit ka naman magseselos?” tanong ko

“You never smiled at me like that! And it hurts me!”

Hindi ko alam ang sasahihin ko. I am out of words dahil hindi ko maintindihan kung saan nanggagaling ang ganitong ugali ni Kabute.

Pano pala kung magiging boyfriend ko ito? Bawal lahat!? Pinagalitan ko ang sarili ko sa iniisip ko.

Nagulat ako ng bigla na lang akong kabigin ni Hendrix at yakapin. Hindi ako nakagalaw. Ang tanging naririnig ko ay ang malakas na tibok ng aming mga puso.