CHAPTER THIRTY-FIVE: S2

Amelia's POV

"Ikaw na ang susunod, Amelia," ani Madam Boray pagkatapos sumalang ng kasamahan ko.

Kinakabahan man subalit pilit kong pinalalakas ang loob ko dahil hindi dapat ako mabulilyaso sa trabaho ko. Hindi dapat ako makita ng mga customer namin na kinakabahan at naiilang.

Matagal na akong nagta-trabaho dito subalit hanggang ngayon ay grabe pa rin ang kaba na idinudulot sa 'kin ng trabaho ko.

Nang sumampa ako sa stage ay agad kong inayos ang half-mask na suot ko. Binigyan ko ng isang napakalawak na ngiti ang mga customers na nasa harapan ko at dahan-dahang sumayaw sa kanilang harapan.

Dinig ko ang sigawan at halinghing ng bawat customers dahil sa erotikong sayaw na ginagawa ko habang nasa harapan ko ang pole.

Isinasabay ko ang aking pag-indak sa ritmo ng kanta dahilan para mas lalo kong maakit ang mga customers.

Tila ba nag-iinit din ang aking pakiramdam dahil may nararamdaman akong estranghero na kanina pa nakatingin sa akin at kanina ko pa napapansin. Kita ko sa itim na it