Chapter 7 (Part 17)

"M-Mommy?" Nabalot ng pagtataka ang mukha ng mga anak ko. Lumapit sa akin si Ashy at inabot din ang aking pisngi. "Bakit po tanong 'yan?"

"Just answer Mommy, Ashy... Nash." Malungkot akong ngumiti. "Importante ang sagot n'yo sa akin."

Isang oo lang, mga anak, ay handa akong iwanan ang lahat. Aabandonahin ko ang lahat ng pangarap at paghihiganti ko para sa inyo.

Kaya pakiusap... k-kailangan kong marinig ang sagot n'yo.

Para sa inyo ay makakaya kong gawin ang lahat. Papakawalan ko na rin ang pagnanais ko na makaganti sa Viacera at makuha ang kompanya na para sa akin.

"Mommy..." Matagal akong tinitigan ni Nash. Napalunok siya at unti-unti ay napaluha. Nilingon niya si Ashy na naguguluhang nakatingin sa akin. "Ang totoo po ay..."

"Miss Shianna! Miss Shianna!"

Lahat kaming nasa loob ng kuwarto ay napatingin sa direksyon ng pinto nang may malak