Kabanata 26

Kabanata 26

Sampung minuto ang lumipas at hindi pa rin umuusad ang pila sa lane namin. Nagkaroon kasi ng problema sa POS system. Namatay ito kaya kailangang ulitin ang pag-pounch in ng mga binili noong isang customer.

Napayuko na ako sa hawakan ng big cart dahil sa pagsakit ng likod ko. Nararamdaman ko na din ang pangangalay ng binti ko. Hinawakan ko ang tiyan ko.

May sumitsit nang ilang beses at nakuha nito ang kuryosidad ko. Napatunghay ako. Nagulat na lang ako noong biglang dumating ang makulit na pulis. Taas baba ang kaniyang balikat dahil sa paghingal. Nang tumingin ako sa kaniyang hawak ay doon ko lang napansin ang dala niyang upuan.

Napaayos ako ng pagkakatayo. Humarap ako sa kaniya habang siya naman ay tumigil sa tabi ko. Inilagay niya sa may gilid ko ang upuan. Tinapik niya pa ito upang senyasan akong umupo. Tumaas ang kilay ko dahil sa kaniyang ginawa.

Hindi ko alam kung mamangha ba ako sa kaniya o tatarayan ko siya.

Tiningnan ko ang kaniyang mukha at nakita ko ang maaliwal