KABANATA 20

Searching

Nagdaan ang ilan pang buwan at dumating na ang araw na gaganapin ‘yong party na nakasaad sa invitation. Sa nagdaang mga buwan ay palagi ko iyong tinitignan. Nagbabaka sakali na may makikita akong kahit na anong clue tungkol sa party pero… wala.

Evarius has been really casual about it. Walang bahid ng pangamba ang kaniyang mukha habang pinapanood akong isuot ang gown na pinili niya para sa akin. Sobrang mamahalin noon pero wala akong choice dahil iyon ang gusto niya at bagay raw sa akin. At para raw... pareho kami. 

Ngumuso ako at bumuntong hininga para pakalmahin ang sarili.

“Hindi ka ba talaga nag-aalala? Baka kung ano ang party na ‘yon…” sabi ko nang matapos sa ginagawa at lumapit sa kaniya.

Pumulupot ang kaniyang braso sa aking baywang at hinalikan ako sa aking pisngi. Hinaplos haplos niya ang aking baywang bago sagutin ang aking tanong.

“Who knows? I might know who invited us for the party…”