Chapter 24

Nakita nila ang magulang ng binata na may kausap sa may isang mesa. Pero hindi man lang nag-alangan ang binata na lumapit sila at masayang tinawag ang magulang nito.

Agad na napatingin ang magulang nito sa kanila at nang makita siya ay hindi niya alam kung guni-guni lang niya dahil natigilan ang magulang nito. Para bang nakita siya nito dahil sa parang pamilyar na tingin nito sa kanya.

“Diego, hijo,” nakangiting wika ng ina nito na agad nawala ang kakaibang tingin nito sa kanya kanina. “Sinabi ko sa'yo na maaga kang paparito pero ito at late ka pa rin.”

Naglalambing na yumakap ang binata sa ina nito. Lihim siyang napangiti ng mapait. May inggit kasi na nagsimulang bumalot sa puso niya sa nakitang sweetness ng mag-ina. Kung siguro ay may magulang at pamilya rin siya, kahit na hindi sila mayaman basta masaya sila ay satisfied na siya.

“I'm sorry, ma, sinundo ko pa kasi si Ali. Right, I want you to meet her. Ali, sila ang magulang ko. Ang Mommy Conchita ko at si Papa Johnny.”

“Magandang