Kabanata 13

NAPABALIKWAS ako ng bangon mula sa couch. Saka napansin na yakap-yakap ko pala ang photo album kung saan naroon ang kapatid kong si Farrah at ang aking mga magulang.

Ugh! Panaginip lang pala. Buong akala ko pa naman ay totoong pumunta rito si Zeus. Pero bakit parang totoo?

Nagpakawala ako ng marahas na buntong-hininga. Napasulyap ako sa aking cellphone, medyo nagulat nang tumunog iyon. Sinilip ko ang caller. Si Erin. Dinampot ko iyon at sinagot.

"Nakauwi ka na ba?" tanong ko rito.

"Oo, salamat kina Stacey at Eliza. Okay ka lang ba riyan?"

"Okay lang, nakatulog nga ako, e. Salamat naman sa Panginoon at nakauwi kang safe."

"Kumain ka na ba riyan?"

"Hindi pa, pero magluluto ako ngayon dito," ani ko rito.

Makalipas ng ilang pag-uusap ay nagpaalam na rin kami ni Erin sa isa't isa. Saka ko nabasa ang ilang mensahe ni Tita Mildred, Stacey at Eliza. Napangiti ako.

Inilapag ko ang sariling cellphone sa center table at ang photo album na yakap-yakap ko. Tumayo ako para tunguhin ang kitchen