CHAPTER 6

GINISING si Natalia nang mga katok mula sa pinto ng kanyang silid. Nagmamadali niyang pinagbuksan iyon.

“Good morning Maám,” nakangiting bati ng patpating katulong na si Vicky, sa lahat ng mga maid dito sa mansion, dito pinakapanatag ang kalooban niya. “Pinapababa na po kayo ni Sir.”

“Pakisabi, hindi ako kakain,” akmang isasara na niya ang pinto ngunit mabilis nito iyong napigilan.

“Ma’am, kumain na po kayo. Huwag po kayong maghunger strike,” Nakikiusap na sabi nito sa kanya.

“Hindi ako kakain hanggang. . .”

“Maa’m maawa na po kayo sa akin, ang sabi ni Sir, aawasin niya sa sweldo ko bawat araw na hindi kayo kumakain,” Mangiyak-ngiyak na sabi nito sa kanya, “Kilala ko po si Sir. Tinototoo nun lahat ng sinasabi nya.”

Naningkit ang kanyang mga mata, “Talagang napakawalanghiya ng amo mo!” Nagngingitngit na sabi niya.

“Ang totoo, mabait naman po si Sir. Masama lang talagang magalit,” mahinang sabi nito sa