KABANATA 5

Sobrang bilis lumipas ng panahon at hindi namalayan ni Hera na isang linggo na pala ang lumipas mula noong unang tapak niya dito sa mansyon. Hindi niya alam kung dahil ba ay na enjoy niya ang mga segundo na nandito siya kaya hindi niya namalayan ang oras o kung ano. Sa lahat ng naging trabaho niya ay dito lang ata siya naging masaya at kuntento.

Iwan niya ba pero nag eenjoy talaga siya maglinis sa buong mansyon. Walang nagdidikta sa kaniya kung ano ang gagawin at siya lang sa kaniyang sarili kung kailan niya gusto maglinis. Wala atang araw na hindi niya inaalagaan at nililinisan ang napakagandang mansyon na ito. Kahit na wala namang pake ang kaniyang boss kung mag lilinis ba siya o ano ay hindi pa rin niya magawang maging tamad at tanggapin lang basta ang malaking sahod na hindi ginagawa nang maayos ang kaniyang trabaho.

Speaking of her boss, minsan lang niya itong nakikita. Kaya kapag minsan ay may hindi siya alam kung paano gamitin ay nagtatanong siya kay Sir Bryle sa pamamagitan ng pag papadala ng mensahe sa lalaki. Hindi naman ito mukhang busy dahil mabilis naman ito mag reply pero nagtatagalog ito kaya hindi niya mapigilang mag-isip na bala ang secretary ng lalaki ang sumasagot sa mga katanungan niya.

Tuwing gabi lang niya nakikita ang kaniyang amo na si Lucas. Palagi kasi itong nakakulong sa sariling kuwarto tuwing umaga at minsan naman ay wala sa mansyon at pumunta sa kung saan. Wala ito sa umaga at sa tuwing bumabalik ito sa gabi ay may dala itong babae. Isang linggo na ang nakakalipas pero hindi pa rin siya sanay sa pa iba-iba nitong mga babae tuwing gabi.

Napakaganda at sexy ng mga babaeng dinadala nito. Minsan pa nga ay naabutan siya ng kaniyang amo na naglilinis pa sa gabi. Mabuti na lang at hindi ito nagalit dahil nakita siya ng babaeng dinala nito. Hindi lang siya papansinin ng lalaki at ngingiti lang ang babaeng kasama nito. Aakyat ang dalawa papunta sa guest room at doon gagawa ng kababalaghan..

Sa laki at tahimik ng buong mansyon ay rinig na rinig niya ang mga nakakatindig balahibo na mga ungol ng mga ito. Minsan pa nga ay naririnig niya ang babae na sisigaw at iiyak. Hindi niya alam kung dahil ba iyon sa sarap o ano. Nakakarumi ng pag-iisip kaya mabilis siyang pumasok sa kaniyang silid para hindi marinig ang mga halinghing ng mga ito. Hindi naman din siya ganoon ka inosente at may ideya pa rin naman kung ano ang ginagawa ng mga ito.

Gigising siya nang maaga, aalagaan ang mga halaman sa labas, maglilinis sa loob, magpapahinga, maglilinis na naman, magtatago sa gabi dahil baka ay maabutan na siya ni Lucas ang kaniyang amo at matutulog. Ganiyan ang naging routine niya sa nakalipas na mga araw. Parang boring man ito sa paningin ng iba pero para kay Hera ay hindi.

Ibang-iba ang buhay niya ngayon kumpara noong nasa bahay pa siya nila nakatira. Sa totoo lang ay mas nakakapagpahinga pa ata siya dito at mas malaya kumpara noong nandoon pa siya kasama ang kaniyang Ina at mga kapatid. Iwan niya ba pero parang may tali siya doon na hindi niya magawa-gawang tanggalin.

Nasa sala siya ngayon at walang imik na nag m-mop ng sahig. Alas dyes na ng umaga at tulog pa rin ang kaniyang boss. At dahil nga ay nasanay na si Hera ay hindi na lang niya iyon pinansin. Napakalaki ng mansyon at tahimik. Marami rin namang mga kagamitan kagaya ng gadgets pero ayaw naman niyang hawakan ang mga iyon. Sa loob ng isang linggo na nandito siya ay hindi ata sila nag-uusap ni Lucas na kaniyang amo. Minsan lang kung May iuutos ang lalaki sa kaniya.

Tahimik lang si Hera at lingid sa kaniyang kaalaman na may tao pa lang papalapit sa kaniyang kinaruruunan. Wala siyang kamalay-malay na may tao na pala na kanina pa nakamasid sa kaniya. Na para bang binabantayan ang kaniyang kilos.

"Hello!"

"Kyah!" Gulat na nabitawan ni Hera ang hawak-hawak na mop nang may bigla na lang magsalita sa kaniyang likod. Mabilis na napaikot siya at sumalubong sa kaniya ang magandang mukha ng isang babae. May ngisi ito sa kaniyang labi at kakaiba ang tingin na binibigay sa kaniya. Nang bumaba ang tingin ni Hera sa sinusuot ng babae ay hindi niya mapigilan mapalunok.

Suot-suot ng babae ang shirt ng kaniyang amo na si Lucas. Naka panty lang siguro ito or naka shorts. Litaw na litaw ang makinis at maputing hita nito na may mga pulang marka at kagat pa. Napalunok si Hera at dali-daling binalik ang tingin sa mukha ng babae. Magulo ang mahaba at straight nitong buhok. Nakamake up ito pero hindi ganoon ka kapal. Napaka pula ng labi nito at nakakaakit ang mga bilogan nitong mata.

"Hello! What's your name? Nakita kita kahapon ng gabi. Ikaw lang ba ang kasambahay dito?" kuryoso na tanong ng babae at dinampot ang mop na nabitawan ni Hera kanina. Mabilis siyang nagpasalamat sa babae at tumango sa sinabi nito.

"A-ah opo," magalang na saad niya at mahigpit na napakapit sa mahabang stick ng mop. Nakita nga niya ang babae kahapon. Kagaya ng mga nag daang araw ay gabi na rin ang kaniyang boss umuwi kagabi. At ang babaeng kaharap niya ay ang bago na namang babae ng kaniyang boss.

Hindi ata ito nauubusan ng babae at gabi-gabi ay bago at hindi paulit-ulit. Ang mga babae rin na dinadala ng kaniyang boss ay magaganda at sexy. Kahit kailan ay hindi niya ito nakita na nagdala ng babae na dinala na nito noon. Palagi talagang bago. Hindi niya tuloy mapigilan mag-isip nang masama. Inaraw-araw ng kaniyang boss ang pambabae at pakikipagtalik. Minsan ay hindi mapigilang mag-isip ni Hera na baka ay sex addict ang kaniyang boss.

"Ang ganda mo ah. Natikman ka na rin ba ni Sir Lucas?" Nanlaki ang mga mata ni Hera kasabay nang pamumuo ng kaniyang magkabilang pisngi matapos marinig ang sinabi ng babae. Mabilis na umiling-iling siya.

"P-po? Hindi po. Kasambahay lang po ako dito, h-hindi po ano..." Nahihiyang nagyuko siya ng ulo at hindi alam kung ano pa ang sasabihin sa babae. Nahihiya siya dahil pinagkamalan pa siyang na tikman na ni Sir Lucas. Na offend siya sa sinabi ng babae pero mas lamang ata ang kaniyang pagkahiya. Bakit ba kasi naisip na lang ng babae na itanong iyon sa kaniya?

Tumaas ang kilay ng babae na para bang hindi ito naniniwala sa kaniyang sinabi. Napakagat na lang siya sa loob ng kaniyang pisngi, hindi alam kung paano ba kukumbinsihin ang babae na hindi nga. Sa totoo lang ay hindi ito ang unang beses na may nagsabi or nagtanong sa kaniya ng ganoon.

Noong nag t-trabaho pa siya bilang waitress, 'yong iba niyang mga kasamahan na hindi siya ganoon ka gusto ay palagi siyang tinatanong kung inaakit niya ba daw ang kanilang amo or may nangyari na ba sa kanila. Pabor kasi sa kaniya ang kanilang amo kaya hindi mapigilan mainggit ng iba niyang kasamahan at magsalita ng masama sa kaniya. Sanay na siya sa ganoon pero nakaka offend pa rin talaga.

"Ows talaga? Para kasing natikman ka na eh. Alam mo ba." Nagulat si Hera nang bigla na lang siyang hilahin ng babae, kaya ang resulta ay napaupo silang dalawa sa sofa na malapit lang sa kanila. Inakbayan siya nito kaya nagkalapit ang kanilang mga katawan. Gustong takpan ni Hera ang kaniyang ilong dahil sa kakaibang amoy na nanggaling sa babae.

Hindi iyon mabaho pero kakaiba ang amoy na iyon. Para bang pinaghalong pawis at iba pa. Hindi niya ma describe ang amoy na iyon, pero isa lang ang alam niya, hindi siya komportable. Gusto niyang itulak ang babae palayo, pero ayaw naman niyang magalit ito. Baka kasi ay kapag ganoon isumbong siya kay Lucas at mapatalsik pa siya dito. 'Yan ang pinaka-ayaw niyang mangyari talaga.

"Marami kaming mga babae na nangangarap na makasama ang isang Lucas Whitfield kahit isang gabi lang. Pero syempre, hindi iyon ganoon ka dali. Sobrang taas ng lalaki na mahalintulad na sa isang bituin. Marami na ring sumubok na magpapansin dito pero iba ang mga tipo ni Sir Lucas..." Hindi alam ni Hera kung dapat ba siyang magpatuloy sa pakikinig sa babae. Wala talaga siyang ka ide-ideya kung bakit siya nito kinukuwentuhan. Pero hindi niya rin maipagkakaila na kuryuso siya sa mga susunod na sasabihin nito.

Tiningnan siya ng babae sa mga mata pababa sa kaniyang katawan. Nagtagal ang tingin nito sa kaniya kaya hindi niya mapigilang mahiya at mapayakap sa kaniyang sarili. Dahil sa kaniyang ginawa ay tumawa nang pagkalakas-lakas ang babae na para bang ngayon lang ito nakatawa makalipas ang ilang taon.

Tumagal ng isang minuto ang tawa nito bago ito tumigil at malawak na ngumisi. Napailing-iling ito ng kaniyang ulo at tumingin kay Hera na ngayon ay nagtataka pa rin kung bakit bigla na lang siyang tumawa. Mas lalong lumaki ang kaniyang ngisi at itinaas ang kamay. Hinawakan niya ang makinis at maputing mukha ni Hera at hinaplos iyon. Napaigtad ang babae dahil sa kaniyang ginawa pero hindi niya pinansin iyon.

"Alam mo ba? Ang mga tipo mo ang kagaya ni Sir Lucas. We've only met for a short period of time but I became interested in you. At dahil nakuha mo ang aking atensyon, I'll help you." Mas lalong naguluhan si Hera matapos marinig ang sinabi ng babae. Hindi niya ito maintindihan lalo na ang mga akto nito.

Tumigil ito sa paghaplos ng kaniyang pisngi at lumipat naman ang kamay nito sa nakatali niyang buhok. Hinaplos nito ang kaniyang ulo at nagsalita.

"Whenever you see him alone during night time, don't ap–"

"Harriet." Mabilis pa sa cheetah na lumayo ang babae sa kaniya nang may bigla na lang magsalita sa kanilang likod. Napatingin si Hera doon at ganoon na lang ang pag kabog ng kaniyang puso nang sumalubong sa kaniyang mga mata ang seryosong mukha ni Lucas. Wala itong saplot sa pang-itaas na parte ng katawan nito kaya kitang-kita niya ang mga muscles nito sa katawan. Mabilis na nag-iwas siya ng tingin sa lalaki.

Hindi makagalaw sa kaniyang kinauupuan ang babae na nagngangalang Harriet dahil sa klase ng tingin na binibigay sa kaniya ng lalaki na kararating lang. Kabadong napalunok siya ng laway nang magsimulang manuyo ang kaniyang lalamunan sa kaba. Kinakabahan siya dahil ay baka narinig ng lalaki ang pag-uusap nila ni Hera ngayon lang.

Sa totoo lang ay wala talaga siyang plano na makipag-usap kay Hera pero nang makita niya ang maganda at simple nitong mukha ay hindi niya mapigilang ma- curious. Gusto niya lang makipag-usap sa babae pero hindi niya namalayan na sumubra na pala siya. Kung hindi siguro dumating si Lucas ay baka may nasabi na siya kay Hera na hindi dapat malaman nito. Ang problema lang ay baka narinig ng lalaki ang kaniyang sinabi kanina.

Kahit na nanginginig na ang kaniyang kalamnan ay sinubukan niyang tumayo at lumapit sa lalaki. Titig na titig pa rin ito sa kaniya. Walang emosyon ang mga berde nitong mga mata kaya hindi niya mabasa ang iniisip nito. Sa kaloob-looban niya ay natatakot na siya sa lalaki, pero kasalanan din naman niya kung bakit magalit ito. Sana lang ay hindi nito narinig ang kanilang pag-uusap.

Tahimik lang si Hera at hindi pa rin makatingin sa dalawang tao na ngayon ay gumagawa na ng kababalaghan sa kaniyang harap. Halo-halo ngayon ang kaniyang nararamdaman sa punto na hindi na niya alam ang gagawin. Aalis ba siya o ipagpapatuloy ang pag m-mop niya.

Gulong-gulo ang niyang isip dahil sa sinabi ng babae sa kaniya. Hindi niya ito maintindihan. Kung hindi lang sana lumitaw si Lucas ay baka natapos na sana ng babae ang sasabihin sana nito. Ngayon ay parang mamamatay na siya sa sobrang bitin.

Gustong takpan ni Hera ang kaniyang magkabilang tainga nang marinig niyang umungol si Hera. Hindi lang ungol ng babae ang kaniyang naririnig, pati na rin ang tunog nang paghahalikan ng dalawang tao. Gusto ng umalis ni Hera sa silid na iyon at magtago na lang.

Pakiramdam niya kasi kapag nagpatuloy pa ang kaniyang sitwasyon ay baka mas lalong nag-init ang kaniyang katawan.