Chapter Eleven

“Anak, hindi ka puwedeng magpaiwan dito. Tungkulin mo ang samahan ang asawa mo at ibigay ang pangangailangan niya.” Naaawa man si Zorayda sa kaniyang anak ay hindi niya ito mapayagang lumayo nang tuluyan kay Harry.

Hindi agad nakakibo si Jemima sa tinuran ng kaniyang ina. Hindi pa man sila naikakasal ay alam niyang ito ang magiging gampanin niya bilang asawa. Tinanggap niya ito kasabay ng pagpayag niyang makasal kay Harry noong araw na nagkaroon ng kasunduan ang kanilang mga magulang—ang Ten Billion Dollar Deal na siyang punto ng lahat ng ito.

“Naiinis na po kasi talaga ako sa kaniya, ma, mula nang pinagmukha niya akong tanga sa unang kasal namin.” Hindi pa rin siya nakaka- move on sa naging karanasan niyang iyon. “Masyado akong nanliit sa sarili ko dahil sa ginawa niya.”

“Come on, hindi naman niya alam na ikaw iyon. Saka naging maayos naman ang treatment niya sa iyo mula nang makasal kayo, ‘di ba,” pag-aalo niya sa anak. “And I’ve heard na ina