Chapter Eighteen

PINARADA ng lalaki sa tabi ng guard house ang kotseng minamaneho nito nang makita ang pagsenyas ng guwardiya sa kaniya. Ibinaba niya ang salaming bintana at hinintay itong makalapit.

"Sir! Nakuha na po namin ang kopya ng bidyong sinasabi n'yo."

Dahil sa sinabi ng lalaki, mabilis siyang umibis ng sasakyan at sumunod sa guwardiyo patungo sa loob ng maliit na bahay. Sa loob niyon ay mag isa pang guard na nakaharap sa monitor ng computer nito.

"Heto na po ang kopya ng araw na hinihingi ninyo." Itinuro nito ang isang lalaki na nakatayo sa tabi ng poste.

Mas lalo niyang nilapit ang sarili sa computer upang mas mapagmasdan nang mabuti ang bidyo. Totoo nga ang sinabi ng asawa niya. May lalaking nakaitim ang nagmamatyag sa babae.

Tinitigan nilang mabuti ang lalaking nakatayo at nakitang kay Megara nakatuon ang paningin nito, habang ang babae, abala sa pagsusunog sa harap ng metal trashcan.

"Sa nakikita n'yo, sir, nang makita ni Ma'am ang lalaki at na