Chapter Sixteen

ILANG ulit nagpakawala ng malalim na hangin si Russel bago tuluyang isinara ang trunk ng sasakyan matapos niyang ipasok ang lahat ng gamit niya.

"Sad to see you're leaving this early." Nilapitan niya si Rio Frando sa tabi ng driveway at ngumiti sa lalaki.

"I'm so sorry. It's urgent."

Itinaas ng lalaki ang isang kamay at umiling. "You don't have to apologize. When it comes to business and our wife, they will always be our priority."

Nakangiti siyang tumango rito bilang pagsang-ayon. Alas-sais y medya pa lang noong mga sandaling iyon pero nasa labas na siya ng Frando Beach Resort at handa nang umalis.

Mabuti na nga lang dahil nasa lobby lang ng hotel ang lalaking si Rio. Hindi na siya nahirapan pang hanapin ito para magpaalam. Hindi na rin siya nahirapan na magdahilan. Nang sandaling sabihin niyang may emergency sa bahay at nag-iisa lamang ang asawa niya, agad siyang tinaboy nito upang umalis at puntahan si Megara.

Nang makalabas ng malaking t