Chapter Thirteen

NAPANGIWI si Megara matapos buhatin ang laundry basket na puno ng damit na ginamit nila. Buhat niya ito gamit ang dalawang kamay at pababa na sana ng hagdan. Napatigil lang siya nang may maalala.

Mula sa hagdan, bumaba ang tingin niya mahaba niyang binti't hita. Nararamdaman niya ang lamig ng paligid dahil sa ikli ng suot niyang white shorts. Napangiti siya kasabay nang paglapag niya ng basket sa sahig. Nagmamadaling pumasok siya sa loob ng kanilang walk-in closet.

Kumuha siya ng pajama nang hindi na tumitingin sa disenyo nito. Basta't isinuot na lamang niya iyon matapos hubarin ang shorts. Natatandaan niyang ayaw ni Russel na lumalabas siya ng bahay na labas ang mga hita niya. Ayos lang daw kung kasama niya ito, pero kung hindi, pinagbabawalan siya ng lalaki.

Muli niyang dinampot ang laundry basket saka mabibilis ang mga hakbang na bumaba. Nasa likuran ng bahay ang labahan nila at kinakailangan pa niyang lumabas mula sa harap ng bahay dahil wala silang backdoor