Chapter Fourteen

MASAYANG nagtatawanan si Narissa kasama ang mga kaibigan niyang inimbitahan din niya sa opening ng beach resort ng uncle niya.

Ang totoo'y pinapunta niya roon ang mga ito upang ipakita na pag-aari na niya ang owner ng Lacuesta Corporation. Kasalukuyan silang nasa itaas ng hotel kung saan malaya nilang natatanaw ang malawak na dagat, maging ang ilang parte ng resort kabilang na ang entrance.

Nakatingin sa kanila ang ilang mga lalaking foreigners na pasadya pang dinayo ang resort na iyon dahil sa Uncle Rio niya. Kilala kasi sa halos buong Asia at ilan pang bansa ang pangalan nito kaya malakas ang hatak ng lalaki sa mga turista.

Nakasuot siya ng red bikini habang ang tatlong kaibigan niya na pawang mga kasama rin niya sa pagmo-modeling ay naka-animal print ang mga underware na suot.

"Girl, are you sure he's coming? We've been waiting for him for like... an hour now!" maarteng tanong ni Ruffa. Anak mayaman ito pero piniling pasukin ang mundo ng pagmomodelo da