Chapter 6

ISA

MABILIS akong nagbaba ng paningin nang makita ang matalim na mga mata ni Uno—titig na titig sa akin.

Kanina pa kami nandito sa loob ng private library ng mansion niya. Hindi siya nagsasalita pero hindi niya rin ako pinapaalis. Namamawis na tuloy ang mga palad ko sa sobrang kaba dahil sa mga titig niya.

I bit my lower lip and tried to open my mouth to say something, pero mabilis din akong natigilan nang tumikhim siya.

"Buhay ka pa pala."

Mariin akong lumunok. Para hindi ako hanapin ni Senyora Celestia noon, pinalabas ng nurse na namatay ako sa panganganak. Iyon ay para maiwasan na rin na malaman nila ang tungkol kay Heart.

"Tell me, where have you been all these years?"

Nag-angat ako ng paningin dahil sa tanong niya. Halos hindi na siya kumurap habang nakatingin sa akin ang matatalim niyang mga mata.

Anong dapat kong sabihin? Natatakot akong malaman nila ang tungkol kay Heart. Paano kung kunin nila sa akin ang anak ko? May sakit siya ngayon. Hindi malayong gawin nila iyon dahil wal