KABANATA 28

“Binugbog nila ako. Hindi pinakain at palaging pinapahirapan pero tiniis ko lahat ng iyon kaysa naman ikaw ang masaktan. Gustong-gusto na kitang makita pero hindi pwede kasi papatayin ka nila. Nang malamang nakauwi ka na galing sa hospital, napanatag ako kasi alam kong poprotektahan ka ng mga magulang mo. Saka lang ako pinayagan na lumabas ng selda para papirmahin ka. Kaya pala nila ako dinakip ay dahil hindi mo napirmahan ang annulment natin. Nang makita kong maayos na ang kalagayan mo ay nakahinga ako nang maluwang. Sabi ko sa sarili ko,sawakas magiging malaya ka na, asawa ko. Sobrang sakit, sobrang sakit sa- sa akin na makita kang pinipirmahan iyon pero wala akong magagawa dahil nasa likod ko ang mga tauhan nila. Pinilit nilang isama sa akin si Ericka para raw mas lalo kang masaktan. Nang umalis ka ay saka lang nila ako pinakawalan. Hindi ako makatulog sa kakaisip sa iyo, Celeste. Hindi ako makakain ng maayos dahil inaalala ko kung okay ka lang ba? Kung kamusta na kayo ni baby? A