Chapter 24-Paninita

SA LOOB ng kompanya ng mga Garcia ay abala sina Yazed at Dexter sa discussion ukol sa mga proyekto. Samantalang si Jennelyn ay bakas sa mukha nito ang pagkainip habang nakikinig sa dalawa.

Napasulyap si Dexter sa dalaga na ngayon ay kausap na ni Yazed. Gusto niyang matawa dahil mukhang hindi sa papeles ito interesado. Napatikhim siya nang sumandal ang ulo nito sa balikat ng kaibigan at ipinakitang pagod na ito gayong kakaumpisa lang naman nila.

Para namang natauhan si Yazed at napatingin kay Jenny na nanatiling nakasandal ang ulo sa kaniyang balikat. Hindi niya napansin na wala sa kaniyang tinuturo dito ang atensyon nito. Tumikhim na rin siya upang kunin ang atensyon ng dalaga.

Pasimpleng inayos ni Jennelyn ang sarili at tumuwid ng upo bago ngumiti kay Yazed. Gusto niya sanang tarayan si Dexter dahil mukhang asungot sa pagitan nila ng binata.

"Kumusta ang Tita mo? Hindi ko yata siya nakikita nang ilang araw na?" tanong ni Dexter sa dalaga upang hindi ito makaramdam ng pagkailang sa ka