CHAPTER 3 - ACCIDENTALLY SEEN

Pinakiramdaman ko ang kabilang cubicle nang tumahimik na. Mukhang tapos na rin sila. Hay... Salamat at makakauwi na rin. Sa bahay na lang ako iihi.

Narinig kong bumukas ang pinto, malamang ay lumabas na sila. Dahan dahan kong binuksan ang pinto ng cubicle at sumilip sa labas. Nang makita kong wala nang tao ay lumabas na rin ako.

Paglabas ko ng restroom ay nakita ko ang babaeng nakabangga ko kanina malapit sa pinto ng restroom. Paglingon niya sa 'kin ay nanlaki ang mga mata niya na para siyang nagulat nang makita ako.

Tumikhim ang babae at bumalik sa dating mukhang matapobre ang ekspresyon nito, pagkatapos ay naglakad na ito palayo habang umiindayog ang balakang niya. Tsk, sexy sana kaso...

Pag uwi ay agad kong tinawagan si mama at sinabi ang magandang balitang natanggap ako sa posisyong inaasam asam ko.

Kinabukasan ay namili ako ng ilang daily necessities dahil ubos na rin ang stock ko.

Habang nag go grocery ay biglang nag ring ang phone ko. Malamang si mama 'to, kaya, Agad ko 'yun sinagot.

Nagulat ako nang si jonas ang marinig ko. "Hi, Marigold. Kumusta? anong ginagawa mo ngayon?"

Kahit awkward ay kinamusta ko na lang din siya, pati ang C.A Incorporated ay kinamusta ko na rin. Wala naman kasi akong malay sabihin sa kanya.

Tumawa siya. "Dahil may concern ka sa company at dahil mukhang napatunayan mo naman na isa kang mabuting empleyado... "

Saglit niyang pinutol ang sasabihin bago niya sabihin ang halos magpalundag sa 'kin sa tuwa."Puwede ka nang pumasok bukas at mag start as a Executive Secretary of the CEO."

Pinigilan ko ang sarili kong maglululundag dahil baka isipin ng mga taong may nababaliw dito. Puro pagpapasalamat ang sinabi ko kay jonas bago namin pinutol ang linya.

*******

Nahampas ko ang alarm clock sa gulat nang bigla itong mag ring. Hindi ko ugaling mag alarm dahil sanay naman akong gumising nang maaga, pero dahil unang araw ko ngayon sa trabaho ay gusto kong makasigurong hindi ako male late.

Binuksan ko ang maliit kong closet na puro: women's polo, polo shirt at mahabang palda lang ang laman. Sa kabila nu'n ay masaya pa rin akong namilì ng susuotin na parang may ka date lang ako.

Pagdating ng C.A ay dumiretso ako sa CHRO office. Nakita ko sa lamesa ang lukot lukot kong requirements na itinapon sa basurahan nu'ng isang araw.

Kinabahan ako nang mapansin na parang masama ang tingin sa 'kin ng CHRO. May ginawa ba akong mali? ngayon pa lang naman ako magta trabaho a.

Tumikhim ako para mapagtakpan ang kabang nararamdaman ko. "Um... Excuse me sir, Im here to report - "

"I know. Follow me."

Inihatid niya ako sa executive assistant office. Pagkatapos ay parang masama ang loob niyang umalis. Ano kayang problem ng taong ito. Pakiramdam ko ay ayaw niya sa 'kin.

"Ms. Marigold Magbanua, right? I'm Jonathan Javier, the executive assistant of the CEO. Ako ang magtuturo sa 'yo ng mga dapat mong malaman: regarding your job, role and task. I hope, we can get along."

Tinuruan ako ni Mr. Javier ng mga dapat kong gawin hanggang mag tanghalian na. Saka lang kami tumigil nang biglang tumunog ang tiyan ko. Bahagya siya tumawa habang nangangamatis na naman ako sa hiya.

"Okay let's stop for now. If you don't mind, puwede ba tayong sabay mag lunch?"

Kahit medyo nahihiya ay pumayag na rin ako. Middle age man si Mr. Javier kaya walang malisya sa 'kin kung magla lunch kami ng sabay. Tingin ko naman ay ganu'n din siya.

Nang magpunta kami sa canteen at umorder ng pagkain ay pinapauna ng mga nakapila si Mr. Javier. Mukhang sikat siya dito a. Kung sabagay tingin ko ay mabait naman si Mr. Javier.

Nang kumakain na kami ay panay ang chismisan ng mga babae sa katabi naming lamesa. Hindi naman sa gusto kong makinig, kaya lang sa naririnig ko e.

"Narinig n'yo na ba? Hindi na daw bakante ang executive secretary position. Kase, may na hire na... may nanalo na!"

"Talaga‽ Saan mo nalaman?"

"Kay tina. Galing siya sa HR office at doon niya nalaman... Tapos alam n'yo ba, parang galit na galit daw si Ms. Vivian. E 'di ba gustong gusto no'n maging Executive secretary?"

"Hmp! gusto niyang maging Executive secretary? Parang hindi naman natin alam ang karakas no'n. May balak kamo 'yon kay papa CEO ko kaya nagpipilit siya sa E.S position."

"Shhh... Ang boses mo, marinig ka. Baka mamaya bigla na lang sumugod si Ms. Vivian dito, bahala ka."

Hindi ko maiwasang ihilig ang ulo't tenga ko sa direksyon nila, lalo't alam kong ako ang pinag uusapan nila bilang newly hired executive secretary. Pero, sino si Vivian?

"Ehem"

Napaayos ako ng upo nang marinig ang pagtikhim ni Mr. Javier. Itinuloy Ko na ang pagkain ngunit alisto pa rin ang mga tenga ko.

Matapos kumain ay bumalik agad kami ni Mr. Javier sa Kani kaniyang puwesto namin. Malapit lang ang puwesto ko sa office ni Mr. Javier at tanaw ko dito ang mga dadaan papunta sa CEO office.

"Ano?"

"Yes, Mr. Villaflores. Mga one week pa bago bumalik si Mr. Atanante. Sorry for the short notice."

Narinig ko ang pinag-uusapan ng paparating na sila Mr. Javier at jonas.

Nagtama ang mga tingin namin ni jonas nang mapatingin siya sa gawi ko. Nagpaalam na siya kay Mr. Javier at lumapit ito sa puwesto ko.

"Akala ko pa naman ay maipapakilala ka na namin kay Mr. no-symphathy as his new executive secretary, hindi pa pala." Nakangusong wika ni Jonas habang nakaupo ito sa mesa ko.

"At bakit ba napaka eager mo na magpakilala sa kanya ng bagong sekretarya? May pustahan na naman ba kayo?"

Si Mr. Delphin Villaflores iyon, ang COO o ang vice president ng C.A. Nakasilip ito sa may pinto.

"Anong ginagawa mo dito sa office ni Ms. Magbanua? D'yan ka pa sa mesa umuupo, Go to your own office, now!"

"We're talking about her boss, okay?... Sabi pala ni Jonathan, mga one week pa raw bago s'ya umuwi galing sa bakasyon niya sa Brazil, kasama ang bagong girlfriend niya."

Girlfriend? Hindi pa pala nag aasawa si Mr. Atanante, siguro dahil sobrang busy niya. Ang sabi'y pagka graduate ng college ay itinayo agad niya itong kumpanya. Sa tingin ko ay genius lang ang nakakagawa no'n. Pero narinig ko rin na may kasungitan 'yon at may pagka istrikto. Siguro kagaya ng nabasa ko sa website ng C.A, baka matandang napapanot na si Mr. Atanante na may malaking tiyan.

Bago umuwi ay nag CR muna ako. Pagpasok ng restroom ay marami akong naabutang mga nakapila at nagme make up. Tumayo ako sa gilid at naghintay.

"Miss, parang ngayon lang kita nakita, bago ka?" Tanong ng isang babae nang mapansin ako.

"O-oo, bago lang ako."

"Saang department ka ba? Hindi kasi kita nakikita sa mga intern e."

"Um..." Alanganin ako kung sasabihin ko ba ang posisyon ko. Pero siguro wala namang masama.

"H-hindi ako intern... Ako 'yung bagong hired na executive secretary."

Nagulat ang mga nandoon sa restroom nang sabihin ko 'yun at taas baba nila akong tiningnan.

"Ikaw?"

"So, ikaw pala 'yun."

"For real?"

Hindi ko maiwasang mailang sa mga tingin nila dahil alam ko na kahit hindi sila magsalita ay pinipintasan nila ako sa loob loob nila.

Bigla na lang nila akong dinedma na parang hindi kami nag uusap kanina. Problema ng mga 'to?

Kinabukasan pagpasok ko ay muli akong tinuruan ni Mr. Javier. Meron pa kasi akong hindi makuha. Pero laban lang. Sabi naman kasi ni Mr. Javier ay sa una lang talaga nakakalito, madali naman daw akong turuan kaya baka within a week ay masanay na rin ako.

Mag isa lang akong kakain sa canteen ngayong araw dahil imi meet daw ni Mr. Javier ang asawa niya sa labas. Kung sabagay, hindi naman obligado si Mr. Javier na samahan ako palaging kumain sa canteen.

Habang naglalakad papunta sa isang bakanteng mesa dala ang pagkain ko ay napansin ko ang kakaibang tingin ng mga babaeng empleyado sa 'kin na para bang may ninakaw ako sa kanila.

Hindi na 'ko nagtataka pa. Malamang ay may kinalaman ito nu'ng sinabi kong ako ang bagong hired na E.S. Ayon na rin kasi kay Mr. Javier ay marami raw ang gustong mag aaply sa posisyong 'yon, hindi nga lang daw sila qualified.

Habang kumakain ay may lumapit sa 'king babae. "Hi, hindi ba malapit sa top floor ang office mo? Baka puwede mo naman itong idaan sa CHRO office, kay Mr. Malibo.... Please?"

Dahil nakita kong buntis ang babae at maayos naman siyang nakiusap sa 'kin ay pumayag na rin ako. kinuha ko ang hawak niyang naka plastic. Ano kaya ang laman nito?

Nang inihatid ko ang kung ano mang bagay na 'yon kay Mr. Malibo ay nakarinig ako na parang may nagagalit na babae sa loob ng office. Hindi ko tuloy alam kung kakatok ako o hindi muna.

Idinikit ko ang tenga ko sa pinto para malaman kung nag ceasefire na.

"Anong nangyari‽ Ang sabi mo gagawan mo na paraan, tumit'yempo ka lang. E bakit nalaman ko na lang na may na hired nang executive secretary‽"

Bahagya akong nagulat. Ito 'ata 'yung Ms. Vivian na gustong gusto maging executive secretary, at parang may kakaiba sa kanila ng CHRO.

"Sinasabi Ko na nga sa 'yo, wala akong alam d'yan. Dahil kahit ako nagulat din. Itinapon ko na nga 'yung mga requirements niya e. Hindi ko naman akalain na iha hire pala siya ni Mr. Villaflores."

Napaatras ako sa narinig ko. Wala pala talaga akong balak i hire ng CHRO na 'to nu'ng mga araw na 'yon, dahil inilalaan niya ang E.S position para kay Ms. Vivian?

Dali dali kong inilapag ang dala kong naka plastic sa sahig at mabilis na umalis.

Napahinto ako sa pagtakbo nang marinig ko ang pagbukas ng pinto, kaya kumubli muna ako.

Pagsilip ko ay nakita kong galit na sinipa ng babaeng lumabas ng office ang plastic na nasa sahig. Pagkatapos ay mabilis itong umalis.

*******

Dumating na ang araw ng pag uwi ni Mr. Atanante sa Pilipinas. Timing pang na late ako ngayon.

"Manong, sa C.A company, paki bilisan po!"

Habang nasa loob ng taxi ay sinusuklay ko ang buhok ko na tumutulo tulo pa. Napasarap kasi ako ng pagbo browse sa online shopping kagabi e. Mag bi birthday kasi si mama kaya naghahanap ako ng magandang ireregalo sa kanya. Kaya heto, tinanghali ako.

Pag baba ng taxi ay patakbo akong pumasok ng C.A. muntik ko pang malimutan ang bayad ko.

Pag dating ko sa office ko ay naroon si Mr. Javier. Mukhang naghihintay siya sa 'kin.

"Marigold, mabuti't nandito ka na. Get ready. Ipakikilala na kita kay Mr. Atanante."

Napatingin ako sa ayos ko. Dahil sa pagmamadali ay hindi ko na tiningnan ang isusuot ko, basta ko na lang ito dinampot sa closet.

Naka-suot ako ng puting long skirt at grey polo-shirt na hindi ko alam kung sa akin ba ito dahil sa sobrang luwang.

Pagtapat namin ni Mr. Javier sa CEO office ay bigla niyang naalala ang importanteng dokumentong naiwan niya sa desk niya, kaya bumalik muna ito.

Habang naghihintay kay Mr. Javier ay may babae na bigla na lang sumulpot sa tabi ko. Kung hindi ako nagkakamali, ito 'yung galit na babaeng lumabas sa office ng CHRO, si Ms. Vivian.

"Mauna ka na raw sa loob sabi ni Mr. Javier. H'wag ka na raw kumatok dahil kanina ka pa hinihintay ni Mr. Atanante. Baka magalit na 'yun."

"Ay, ganun ba? Sige." Kanina pa pala ako hinihintay? Parang bigla akong kinabahan a.

Hinaguran muna ako ng tingin ni Ms. Vivian bago mabilis na umalis na parang pumuslit lang siya dito. Pero, bakit nakangisi siya sa 'kin? Ipinagkibit balikat ko na lang 'yun at binuksan na ang pinto.

Pagbukas ko ay natulala ako sa bumungad sa 'kin.

Sa office chair ay nakita ko ang isang maganda't mestisang babae na pabukakang nakaupo sa kandungan ng mala Adonis na lalaking nakita ko sa lobby.... Nagtataas baba ang babae sa lalaki habang umuungol ito.

Bumilis ang tibok ng puso ko ng biglang tumingin ang lalaki sa 'kin.