CHAPTER 1

Habang nakahilata sa kaniyang kuwarto ay halos mapabalikwas si Alex nang biglang mag-ring ang cell phone niya. Napagod yata siya sa gawaing bahay. Siya na lang kasi ang pinagkakatiwalaan sa gawain bahay ng tiyahin niyang sobrang istrika. Bawal kahit na kaunting alikabok o kahit isang maliit na piraso ng balat ng candy ang dapat na nakakalat sa bahay. Wala naman siyang choice kundi sundin ang mga bilin nito. After all, ang tiyahin na lang niya ang nagpalaki sa kanya matapos siyang iwan ng nanay niya para sa ibang lalaki. Kahit na medyo labag sa loob ng tiyahin niya ang pagkupkop sa kanya.

She reached for her phone at tiningnan kung sino ang biglang tumawag. Usually wala namang ibang tumatawag sa kanya bukod sa best friend niyang si Sandra. At hindi nga siya nagkamali. “O, Sandra? Bakit ka napatawag?”

Hagikhik ni Sandra ang narinig niya sa kabilang linya. “Alex! I-prepare mo na ang outfit mo because tonight is going to be the best night of your life!” tila excited na sagot nito mula sa kabilang linya. High pitch talaga kahit kailan si Sandra.  

Malas man sa buhay si Alex, swerte naman siya sa kaibigan niyang ‘to dahil napaka-supportive talaga sa kanya ni Sandra ever since. She always got her back. Kasalungat man ang estado ng buhay nilang dalawa, mayaman sina Sandra at mahirap siya, it didn’t make barrier to their friendship. Parehas nilang suportado at mahal ang isa’t isa.

“T-Talaga? Shocks. First time kong maiimbitahan sa party, Sandra! Wait, magpapaalam lang ako sa jowa ko. Alam mo naman ‘yon. Masyado akong mahal, hihi,” sagot ni Alexandra.

“Err. That mama’s boy na boyfriend mo? Baka ipagpaalam pa no’n sa mommy niya bago ka niya payagan. Like, ‘mom, puwede ko bang payagan si Alex na mag-party?’” natatawang ani Sandra.

Totoong mama’s boy si Triton, boyfriend ni Alex. Sa tatlong taon nila ay madalas pa ring magpaalam si Triton sa mommy niya sa lahat ng bagay which is tama naman as a sign of respect. May mga instances lang talaga na dapat desisyon nilang dalawa lang bilang mag-girlfriend and boyfriend pero pumapagitna pa rin ang mommy ni Triton sa desisyon which Alex thinks as unhealthy.

Kaya noon pa man, hindi na bet ni Sandra itong jowa ni Alex. Mabigat ang loob niya dito dahil sa pagiging sunod-sunuran nito sa mommy niya. Kulang na lang kasi ay dalhan siya ng baon ng mommy niya sa trabaho, lagyan ng pulbo sa loob at punasan ng bimpo ang likod.

“Ikaw talaga! Mahal ako no’n ni Triton!”

“Uhuh, pero mas mahal niya ang mommy niya. Bleh!”

Napailing-iling na lang si Alex when she hung up her phone. Ito talagang si Sandra, hindi na lang itikom ang bibig, e. Ang dami pang sinasabi. Aniya sa isipan saka niya ni-dial ang cell phone number ni Triton.

Hindi naman masyadong strict sa kanya si Triton. Hindi naman siya nasasakal sa relasyon nila. Mas strict pa nga ang mommy nito. Masaya silang nagsama ni Alex for three years to the point na gusto na nilang mag-settle sa isa’t isa at hindi iyon mapipigilan ng sino man lalo na ng mommy ni Triton which in the first place ay hindi pabor sa pakikipagrelasyon ni Triton kay Alexandra. Masyado kasing mataas ang pangarap nito para sa anak niyang binata. Samantalang si Alexandra, hindi hamak na unemployed lang. Sa mga pinag-apply-an niya ay wala pang ni isang tumawag sa kanya for interview,  pero syempre, hindi siya nawawalan ng pag-asa.

Nang sagutin ni Triton ang tawag ay malapad na napangiti agad si Alexandra. “Mahal,” malambing niyang wika.

“Hmm. You sound like may kailangan ka ah? Ang lambing mo,” natatawang sagot ni Triton. Kilalang-kilala niya talaga ang girlfriend niya.

“Hehe, you really know me that much, mahal. E, kasi alam mo na, itong si Sandra. Inaya akong um-attend ng isang party. First time ko kasing ma-invite, mahal. Pero syempre, I need to ask for your approval first.”

Narinig niyang bumuntong-hininga si Triton sa kabilang linya. “You sure you’ll be safe there? Alam mo naman si mommy, mapagmatyag ‘yon. Hahanapan ka ng butas kahit saang anggulo. Hays, this is what I hate about being born with a golden spoon, e. Mom is influencial. You know, her, nasa ‘yo ang mga mata no’n. Nagbabantay.”

Napabusangot si Alex. Kung makabantay naman kasi itong mommy ni Triton, akala mo body guard. Dinaig pa ang soco kung makapag-imbestiga.

Napansin ni Triton ang pananahimik ng nobya niya kaya nagsalita siya agad. “Pero if you really want, hindi naman kita pipigilan, Mahal. Just behave at huwag gagawa ng ikagagalit ko. Maliwanag ba? Malaki ang tiwala ko sa ‘yo. I am willing to disobey my mom for you. Lalo pa, isang buwan na lang, magiging misis na kita.”

Napangiti naman si Alex. Iba pa rin talaga kung makapagpakilig si Triton. She can really feel how he loves her.  Tipong sila laban sa mundo na ang drama. Triton has always been consistent since day one. Ang mommy lang naman talaga nito ang sumisira sa eksena e. All these years, palagi siyang sunod sunuran sa mommy niya, pero sa pagpapakasal niya kay Alex, wala na itong magagawa pa dahil desidido na si Triton na hingin ang kamay ng babaeng pinakamamahal niya.

“Thank you so much, Mahal. Huling party ko na ‘to bago ako maging misis mo kaya salamat at pinagbigyan mo ako. I love you so much!” she answered cheerfully. Mas lalo siyang na-excite na mag-party dahil may basbas na siya galing kay Triton.

“Uhuh, pero huwag mong kakalimutan ang usapan natin.”

Namula bigla ang pisngi ni Alex. Naalala na naman niya ang usapan nila. Ang usapan nila na bago sila ikasal ay maibigay niya ang kinaiingat-ingatan niyang pagkababae. Sa three years nila ay never niyang isinuko iyon. Ni hindi nga iyon ginalaw ni Triton kahit pa medyo maraming beses na kamuntik na nilang gawin. Pero this time, desidido na talaga siya na ibigay ito sa kanya.

“How can I forget? Nakita ko naman kung paano ka nagtimpi for the past three years. I can’t wait to see you again, Mahal. I can’t wait to give my everything to you. After ng party na ‘to, matutulungan na kita sa pag-asikaso ng kasal natin. Don’t worry. Kahit emotional support na lang muna ang maiambag ko kasi alam mo na, zero balance talaga ang bulsa ko these days.”

“A kiss will do,” sagot ni Triton.

Kahit na hindi nila kaharap ang isa’t isa ay bakas sa boses nila ang saya. They are both smiling like an idiot while talking to each other. This is just the right energy that Alex needs. Pakiramdam niya, nasa tamang lalaki na siya. Pero hindi nasa tamang soon-to- be mother in law.

Saktong alas otso ng gabi sinundo ni Sandra ang kaibigan. Nakasuot ito ng party-dress at maypa-cleavage pa at slit. Expose na expose ang mahaba, makinis, at maputi nitong legs.

“Wow naman, Alex! Hindi naman halatang pinaghandaan mo ang party ano?” nakangising puna ni Sandra nang makita niya ang awrahan ng kaibigan niya.

Magsasalita na sana si Alex nang biglang lumabas mula sa kusina ang tiyahin niya. “At saan ka pupunta?” kunot noo nitong tanong sa dalaga habang nakataas pa ang kilay.

“Tita, niyaya po ako ni Sandra sa party. Huwag po kayong mag-alala, uuwi po ako ng maaga.”

Sinuyod siya ng tingin ng tiyahin niya mula ulo hanggang paa. “Wala bang mas maiksi pa diyan sa damit mo? Party party. Siguraduhin mo lang na uuwi ka ng maaga. Mamaya malaman ko na lang, natulad ka na sa mama mo.” Pangaral nito sa kanya.

Alex bit her lips and forced  a smile. “H-Hindi po ako matutulad kay mama.”

“Sige na, alis na bago pa magbago ang isip ko. At iyang katawan mo, ingatan mo ‘yan. Pa-party-party, akala mo naman kayaman yaman, e halos wala na nga tayong makain, wala ka pang trabaho,” bubulong-bulong nitong sagot habang nakataas ang mga kilay.

As usual, pasok sa isang tenga, labas sa kaliwa ang ginawa ni Alex sa mga pinagsasabi ng tiyahin niya sa kanya. Kahit strikta iyon ay mahal niya iyon. Pero hindi siya puwedeng magpadala sa negative energy ngayong gabi. Kailangan niyang mag-enjoy.

Nang makarating sa party ay halos malula si Alex sa buong venue. Sobrang gara ng dekorasyon. Para siyang nasa palasyo.

“Well, kita ko sa mukha mo ang pagka-amaze. Celebration kasi ngayon ng cousin ko sa pagiging CEO niya. Pinasa na sa kanya ng daddy niya ang responsibility since magfo-focus na lang si Tito sa pagdo-doctor. Kaya kita niyaya dito.”

“Wow, iba talaga ang mga mayayaman ano? Pa-party party na lang.”

Kung anu-anong drinks ang pinag-iinom ni Alex out of her curiosity. Ayaw talaga nitong magpaawat. Makailang beses na siyang pinagsabihan ni Sandra na malalasing siya ng todo sa ginagawa niya pero tuloy pa rin siya at mukhang ngayon lang nakatikim ng alak.

Susuroy-suroy na si Alex at nandidilim na ang paningin niya nang mawala sa paningin niya si Sandra. “S-Saan n-n-na ba ‘yun?” nauutal na aniya sa sarili dahil sa kalasingan. Naniningkit na ang mga mata niya at hindi niya halos maimulat dahil sa bigat na dala ng kanyang talukap.

Sa sakit ng ulo niya, nagpasya siya na humanap ng isang kuwartong pwede niyang mapagbagsakan ng pagod niyang katawan. Pero halos lock ang lahat. Sa dami ng tao ay hindi naman na siguro siya mapapansin nito. Finally, sa huling kuwarto, tagumpay niya itong nabuksan. Halos gumapang na siya ng pumasok sa loob dahil sa sobrang dilim at walang kailaw-ilaw.

“Hmmmmm,” ungol niya nang ibinagsak niya ang katawan niya sa higaan. Bigla niyang naramdaman na hindi siya nag-iisa sa silid na ‘yon. Dala ng alak ay napayakap siya sa lalaki na nasa iisang kama kasama niya. But the guy responded to her with a very aggressive kiss. Nadala na siya ng tuluyan. It was a hot night. She just found herself finally giving in to that stranger at matagumpay niyang naibigay ang sarili niya dito.

Kinabukasan, nagising si Alex sa sobrang pananakit ng ulo at katawan niya. Napabalikwas siya ng bangon at halos nanlalaki ang mga mata nang makita ang h***d niyang katawan. Sinundan iyon ng lalaki na kalalabas lang mula sa banyo.

“I enjoyed your body last night. I can’t believe na maganda ka naman pa la,” tila wala lang na anito. Na para bang normal lang sa kanya ang makipagtalik.

“A-Ano’ng ginawa mo sa ‘kin??! Napakasama mo!!” galit na galit at umiiyak na sigaw niya habang takip-takip ng kumot ang maselang bahagi ng kanyang katawan.

Tila nagulat ang lalaki sa naging reaksyon nito. “What? Ano’ng ginawa ko sa ‘yo? O, baka naman ang ibig mong sabihin ay kung ano’ng ginawa natin? I’m used to that kind of modus, woman. Halata naman sa bawat ungol at indayog ng katawan mo kagabi na nag-enjoy ka,” nakangisi na sagot ng lalaki na nagpataas ng dugo ng dalaga.

Sa galit ni Alex ay isang malakas na sampal ang tumama sa pisngi ng lalaki.

Iginalaw ng binata ang panga nito at tila hindi nagustohan ang ginawa niya.

Nag-panic ng todo ang dalaga saka pinagdadampot ang kanyang damit. Gusto niyang magsisigaw pero walang lumalabas sa bibig niya. Naramdaman na lang niya ang tuluyang pag-agos ng kanyang mga luha. Marumi na siya. Napakadumi na niyang babae. Ang pinakaiingat-ingatan niyang pagkababae na hindi niya naibigay kay Triton ay naisuko niya sa isang estranghero na nakasama niya ng isang gabi lang.