Hiyang-hiya si Alex nang umuwi sa kanila. Unang pumasok agad sa isip niya si Triton. Pinagtaksilan niya ito. Namamaga ang kanyang mga mata na dumiretso sa banyo para paliguan ang madumi niyang katawan. Habang umiiyak ay pinagsasabunutan niya ang sarili niya.
“Ang tanga-tanga mo, Alex! Ang gaga mo! P-Paano na ngayon? Paano na ang kasal mo kay Triton? Ibinigay mo ang pagkababae mo sa isang lalaking hindi mo kilala! T*ngina. T*ngina talaga!” aniya habang nakasabunot sa kanyang sarili. Garalgal na ang boses niya kaiiyak.
“Hoy, Alex! Ano ba? Matagal ka pa ba diyan? Ano’ng dinadrama mo? Ha?! Ihing-ihi na ‘ko rito, bwiset ka.” Boses ng tiyahin niya.
Nataranta siyang napahilamos sa kanyang sarili. Gusto na lang niyang magpakalunod.
“S-Saglit lang p-po,” nauutal na sagot niya habang patuloy ang pag-agos ng luha sa kanyang pisngi.
Nang makalabas sa banyo ay patakbo siyang pumasok sa kuwarto niya. Ayaw niyang makausap ang kahit na sino. Ayaw na muna niyang kausapin si Triton dahil hiyang-hiya siya sa sarili niya. Panay ilaw ang cell phone niya at sobrang dami na pa lang missed calls si Triton. Naiiyak na lang siya habang iniisip ang katangahang ginawa niya kagabi. Masyado siyang nandidiri. Hindi natanggal ng paliligo ang dumi niya sa katawan.
Habang yakap-yakap niya ang unan niya ay patuloy lang sa pag-agos ang mga luha niya na wala na nga yatang katapusan.
“T-Triton, forgive me.” Ito ang paulit-ulit niyang binubulong sa sarili niya.
Buong lakas at tapang niyang hinawakan ang cell phone niya para tingnan at basahin ang mga natanggap niyang mensahe.
From Triton: Mahal, nakauwi ka na ba? Answer my call.
From Triton: Tinawagan ko ang tita mo. Wala ka pa daw. Bakit hindi mo sinasagot ang tawag ko? Nag-aalala na ako sa ‘yo, mahal.
From Triton: Siguro ay pagod ka na at natulog na agad. I hope you are safe, mahal ko. I love you so much. See you, my soon to be wife.
Parang dinudurog si Alex habang binabasa ang mga messages ng nobyo niya. Hindi niya ginustong magtaksil. Hindi niya gusto ang nangyari lalo pa at lasing siya no’n pero nagpadala siya sa kapusukan niya. Kasalanan niya ang lahat. Kasalanan niya kung bakit siya nakakaramdam ng labis na pagkakonsensya ngayon. Kung iipunin ang luha niya ay baka makapuno siya ng isang tabo sa dami na ng naiyak niya. She feels so hopeless.
Then suddenly her phone rang. Akala niya ay mula na naman iyon kay Triton pero hindi. This time, kay Sandra ito galing. Kahit nag-aalangan ay sinagot niya ang tawag.
“Hello, Alex? Nakauwi ka na ba? Gaga ka, hindi kita nakita kagabi! Alalang-alala ako sa ‘yo! Ano? Saan ka ngayon?” sunod-sunod at nag-aalala na tanong ni Sandra sa kaibigan.
Napalunok ng laway niya si Alex. “N-Nasa bahay na ako, Sandra. S-Salamat sa concern. I-I’m o-okay,” sagot niya na nauutal.“Sigurado ka ba? E, sa boses mo hindi ko masigurado kung okay ka nga talaga.” Pagdududa ni Sandra. She really knows her.
“P-Pagod lang, Sand.” She almost whispered saka pinindot ang end button.
Mas lalo lang sumisikip ang dibdib niya habang inaalala ang nangyari kagabi.
Gusto niyang makausap si Triton pero pinagungunahan siya ng konsensya niya. Wala siyang mukhang maihaharap sa binata. Basura na nga siya sa mommy nito, mas lalo pa siyang naging basura. Patapon at hindi dapat na pakasalan ng isang Triton Chu.
Sunod-sunod na katok ang nakapagpatayo sa kanya mula sa paghiga.
“Hoy, mahal na reyna. Ano? Hihilata ka na lang ba diyan na akala mo ay dadalhan kita ng pagkain dito sa loob at susubuan? Gumalaw ka din!” nakapamewang na singhal ng tiyahin niya mula sa labas.
Mas lalo siyang napaiyak. She is indeed a failure. Sinira niya ang sarili niya. Kailangan na niyang ihanda ang masakit na paghihiwalay nila ni Triton. Kailangan na niyang ihanda ang sarili niya na masubsob sa putikan dahil siguradong hindi lang masasakit na salita ang aabutin nito kay Triton at sa mommy nito. She is even unemployed. Hindi na niya alam kung paanong magsisimula. Hindi na niya alam kung ano ang uunahin niya. Ang paghahanap ba ng trabaho, ang pagbangon muli, o kung paano siyang magpapaliwanag sa nobyo niya na walang ginawa kundi mahalin siya. Pakiramdam niya ay napakasama niyang babae. Like she isn’t worthy to marry a man like Triton anymore.
Buong lakas siyang humugot ng buntong-hininga. “L-Lalabas na po.”
“Aba dapat lang, ineng! Nagkakanda kuba na ako kakalako sa palengke para may kainin tayo dahil wala klang trabaho tapos kung makahilata ka diyan akala mo ay may pinatago kang ginto sa akin??!”
Mas lalo lang nadagdagan ang sakit sa kanyang dibdib. Noon pa man, masakit na talagang magsalita sa kanya ang tiyahin niya. Tinitiis niya lang dahil kahit na malupit ito magsalita, kahit na halos ikadurog na ng pagkatao niya ang mga salitang lumalabas sa bibig nito, kahit kailan ay hindi siya nakatikim ng kahit kurot man lang dito. Kahit na gaganyan ganyan ang tiyahin niya, nagpapasalamat pa rin siya na may kamupkop sa kanya dahil kung hindi, baka natulad na lang siya sa mga batang musmos na namamalimos sa kalye.
Lalabas na sana siya ng kuwarto nang biglang may notification na nag-pop up sa social media account niya. Sunod-sunod at malalakas ang naging kabog ng kanyang dibdib. It was a message from Triton’s mom. Sa lahat ng message ay iyon ang nakapagpangatog ng tuhod niya. At sana, sana nga hindi na lang niya iyon binuksan dahil nang buksan niya iyon ay halos ma-depress na lang siya.
From Mrs. Chu: Hindi ko akalain na magagawa mong pagtaksilan ang anak ko, Alex. Wala sa itsura mo na isa kang kaladkarin at malanding babae. Akala mo ba ay hindi ko alam na nakipagsiping ka sa ibang lalaki? I have my eyes and ears laid on you and the evidences to support my claim! Hindi mo deserve ang anak ko! He deserves a decent woman! At hindi ang isang madumi at pakawalang babae lang ang babagsakan niya. Huwag na huwag ka nang makikipagkita pa kailan man sa kanya dahil ako ang makakalaban mo, Alexandra. I have attached the photos of the CCTV footage. You can lie, but you can’t keep it a secret, Alex.
Akala niya ay sapat na ang sakit sa dibdib na nararamdaman niya. Pero nang mabasa niya ang message na mula sa mommy ng nobyo niyang si Triton, she realized na hindi pa pala tapos ang sakit. May karugtong pa pala iyon na sobra-sobra. Napahagulgol siya ng iyak. Wala na siyang pakialam kung marinig man iyon ng tita niya. Wala na siyang pakialam kung mapagalitan siya. Gusto niya lang isigaw ang lahat ng sakit.
Ang buong akala niya nga ay tapos na. Pero talagang may pahabol pa.
From Triton: I am calling off the wedding, Alex. Goodbye.
Iyon lang ang kahuli-hulihang mensahe na natanggap niya mula sa nobyo niya. Hindi niya alam kung ano pang mararamdaman niya bukod sa sakit at pighati.
Patawarin mo ako, Triton. Pero mukhang tama nga ang mommy mo. You deserve a decent woman.
Nagmamadaling lumabas si Alexandra para humagulgol sa tiyahin niya. She cried so hard. Kulang na lang ay lumuwa na ang mga mata niya kaiiyak.“T-Tita,” she uttered as she cried on her aunt’s shoulders.Kunot-noo naman na humiwalay sa mga yakap niya ang kanyang tiyahin.“Ano bang problema mo, ha??” asik ng tiyahin niya.Gustong-gusto na talaga niyang sabihin. Ito na nga yata ang oras para masabi niya ang totoo sa tiyahin niya.“K-Kasi p-po-”Pinutol nito ang sasabihin ng dalaga. “Teka, sandali. Tumatawag ang kumare ko,” anito sabay sagot sa tawag. “Hello, mare. Ano’ng balita?” tanong pa nito sa kausap sa kabilang linya.”Naku, kumare! Huwag ka sanang mabibigla ha? E, kasi may kumakalat na larawan ngayon sa internet. Kamukha ni Alexandra. Aba e nakitang lumabas sa isang kuwarto, pagkatapos ay sinundan ng paglabas
Matapos ng isang buwang pananahimik ni Alexandra, ipinasok siya ni Sandra sa construction company ng tito nito. Ang Luthman’s Construction Company. Nagdamit siya ng disente para maghanda sa pagpasok sa trabaho. Mag-iisang linggo na rin naman siya sa trabaho pero hanggang ngayon ay nakakatanggap pa rin siya ng diskriminasyon. Nang makarating siya sa kumpanya ay ramdam niya agad ang mga mapanghusgang mga titig sa kanya ng ibang mga employee. Akala niya tapos na ang lahat. Hindi pa pa la. Dahil mukhang hanggang dito, maanghang ang magiging trato sa kanya.Sa bawat hakbang ng mga paa niya ay dinig pa niya ang bulong-bulungan ng mga ito.“Hindi ba’t iyan ang babaeng nag-viral sa facebook? ‘Yung lumabas sa isang kwarto kasama ng ibang lalaki?”“Oo. Alam mo ba, balita ko, ikakasal na dapat iyan ngayong buwan. E, sa lumandi. Ayan. Mabuti nga at natanggap pa dito.”“May pagka-makapal din ang mukha
Nagmamadaling dinala ni Zach ang dalaga sa clinic para ihiga ito doon at ma-monitor ng daddy niya. Lagot na naman siya nito. Inis na napasabunot siya sa kanyang buhok.“This damn woman. Of all the people that could work with me? Siya pa talaga?!” inis nitong sabi sa sarili.“Boss, nandito na po ang daddy niyo.” Ang body guard niya ang nagsalita.Agad na tumabi si Zach. “Dad, she passed out.” Pagpapaliwanag niya.“Oh, isn’t she familiar to you?” Pag-uusisa ng daddy nito na tila sinusubukan siyang hulihin kung ide-deny sa akto ang krimen na ginawa niya. Madalas kasi siya kung pagsabihan ng daddy niya na itigil na ang pambababae para makaiwas na siya sa gulo na dala ng mga ito pero matigas pa rin talaga si Zach. Walang makakapigil sa kanya.“She was the girl at the guest room, Dad,” sagot ni Zach habang hindi nakatingin sa daddy ni
Nang makauwi sa kanila si Alex ay halos mapatulala pa rin ito at hindi makapaniwala. Hindi pa rin mag-sink in sa utak niya na nagdadalang tao siya. Nagbunga ang kasalanang nagawa niya. Hindi niya alam kung dapat ba siyang magpasalamat na isang kilala at makapangyarihang tao ang nakabuntis sa kanya, o mas lalo lang iyong magbibigay ng sakit ng ulo sa kanya. Isang simpleng buhay lang naman ang gusto ni Alexandra. Pero ngayong mukhang matatali na siya sa isa sa pinakamaimpluwensyang tao sa bansa, hindi niya alam kung tama ba ang desisyon niya na tanggapin ang alok ni Doc. Zacaharias. Iyak pa rin siya nang iyak. Nasasaktan siya. Kung hindi siya gumawa ng mali, 'di sana kasal na sila ngayon ni Triton. 'Di sana, namumuhay na siya kasama ang lalaking pinangarap niya at hindi ang isang babaerong Zachary Luthman ang pakakasalan niya. Napakurap-kurap siya nang maamoy ang pagkain na galing sa maliit niyang kusina. Doon niya lang naisip na baka may iba
Nang makarating sina Alexandra sa mansion ng mga Luthman ay tila nanumbalik na naman lahat ng mapait na nangyari sa buhay niya mahigit isang buwan lang ang nakalilipas. Hindi niya inakala na sa isang simpleng pagkakamali na yon ay mababago ng napakalaki ng buhay niya. Isang buwan pa lang ang nakakalipas pero para sa kanya ay sobrang dami nang nangyari at sa isang kisap mata, nawala ang lalaking pinakamamahal niya. Naalala niya ang bawat sulok ng mansion na ito kung saan ginanap noon ang party. Naalala niya kung gaano siyang parang tangang nagpakalasing. Naalala niya kung paano niyang pinasok ang kuwarto na sumira ng kasal niya dapat. Wala siyang ibang masisisi kundi ang sarili niya. Everything is her fault. Hindi niya namamalayan na napaluha na pa la siya. Natigilan si Zach nang mapansin niya na hindi na nakasunod sa likoran niya ang dalaga. Nilingon niya. "Ano? Magda-drama ka na lang ba diyan?" Puna niya rito.
Nakabusangot si Alexandra habang nilalagay sa kanyang malaking walk-in cabinet sa loob ng kwarto ang mga damit niya. Ano'ng sabi niya? Mga basura lang itong dala ko? Bwiset talaga ang lalaking 'yon. Manganganak yata ako sa kanya ng wala sa oras! Inis na inis na aniya sa isipan habang iniisa-isa ang mga damit na dala-dala niya. Masyadong malaki ang kuwarto para lang sa kanya. Masyadong malungkot. Napakalungkot naman talagang mag-isa sa ganito kalaki at kagarang bahay. Pakiramdam niya ay mabibingi siya sa katahimikan nito. Ilang sandali pa ay nakarinig siya ng sunod-sunod na katok sa pintuan. "Ma'am, Alexandra. Kakain na raw po. Tara na po sa baba." Yaya ng isa sa mga katulong. Alam na alam agad niya iyon dahil ang mga katulong lang ang natawag ng ma'am sa kanya kahit pakiramdam niya ay hindi naman siya karapat-dapat na tawagin ng gano'n. Para sa kanya, parehas lang silang mga ordinaryong tao na walang mataas na antas sa lipunan. Napatigil siya sa
Kinaumagahan, maagang nag-ayos si Alex para pumasok sa trabaho. Maliit pa man din ang tiyan niya. Kaya pa niyang magtrabaho. Pakiramdam niya kasi ay mas magkakasakit siya lalo kapag namalagi lang siya sa bahay na walang ginagawa. Better go to work nang mapakinabangan naman siya ng mga Luthman. Pagdating doon ay halos suriin na naman siya ng tingin mga kasamahan niya sa trabaho. Mula ulo hanggang paa kung makatingin ito sa kanya. Akala niya ay makakaligtas na siya sa mga mapangmatang mga tingin ng mga ito, pero nagkakamali siya. Hindi na nga yata sila natatapos sa pangungutya sa kanya. Wala bang katapusan ang lahat nang mga ito?"Ang kapal talaga ng mukha niya ano? Pagkatapos niyang duro-duruin ang CEO natin noong nakaraan? Papasok siya dito na taas noo at parang walang nangyari? Oh my gosh, nakakahiya!" sabi ng isa."Oo nga, dai! Makapal talaga. Ewan ko nga rin kung bakit gano'n na lang ang lakas ng loob niyan na pumasok pa pagkatapos nang lahat lah
Isang buwan matapos ang intimate wedding nina Alex at Zachary ay walang pinagbago ang trato nila sa isa't isa. Para pa rin silang mga aso at pusa kung magbangayan at mag-away minsan sa mansion. May dalawang buwan na rin ang tiyan ni Alex. Kung may kabutihan mang pinapakita si Zach, hindi iyon para kay Alex kundi para lang sa magiging anak nila. Umaga nang magising si Alex ay sa baba na siya agad dumiretso. Isang buwan na rin ang nakalilipas simula nang awayin siya ni Lily sa kumpanya kaya ngayon, heto siya at nagmumukmok na lang sa mansion. Mabuti na lang at mababait ang mga maids ng mga Luthman. She instantly found a family. "Magandang umaga, manang. Ano pong niluluto niyo? I can help," wika ni Alexandra sa isang katulong na abala ngayon sa pagluluto ng agahan. Umiling-iling ang matanda. "Ay, nako, Ma'am Alex, huwag na. Kapag ikaw nakita ni Sir Zach na patulong-tulong dito, malalagot tayo, e." "Pero manang