CHAPTER 6

"Tatayo ka na lang ba riyan?" Malakas ang boses na tawag sa kanya ni Adam. Nakapuwesto na ito sa driver's seat.

Si Margo naman ay maayos na rin ang pagkakahiga sa likurang bahagi ng sasakyan. Siya ay hindi pa alam kung saan siya mauupo, ayaw niyang maupo sa passenger's seat dahil makakatabi niya si Adam. She doesn't like the idea to get near to him. Kung sa tabi naman siya ni Margo mauupo ay hindi niya alam kung maging komportable ba siya dahil sinakop na ng kaibigan niya ang buong upuan.

"Ayaw mong pumasok sa sasakyan? Hinihintay mo ba na kakargahin pa kita papasok sa loob? O baka natatakot kang makakatabi ako?" Lumingon ito sa mahimbing na natutulog na si Margo, ngumisi pa ito nang muling tumingin sa kanya. "Pangako, hindi ako nangangagat ng mga babaeng ayaw pakagat sa 'kin, Miss Salvatore. Isa pa, you're too beautiful for my taste." Pinaandar na nito ang makina ng sasakyan.

Nangngingitngit ang kalooban niyang pumasok sa loob ng sasakyan. She has no choice, but to sit beside him.