CHAPTER 14

Hindi siya pamilyar kung saan sila sumusuot ni Adam hanggang sa marating nila ang likod ng building niya. Walang kahit na anong establishment pa sa bahaging iyon kaya walang tao ang nagagawi roon. At nagpapasalamat siya nang makita niya ang maliit na back door ng building. Nag-aalala silang sinalubong ng guard na nakapuwesto roon.

"Kanina pa ba ang mga 'yan?" tukoy niya sa mga taong nasa labas.

"Oo, ma'am. Hindi namin alam kung bakit bigla silang napasugod," sumbong nito. Palihim din itong napatingin kay Adam at nagtataka kung bakit niya kasama ngayon ang binata.

Maagap namang pumagitna si Adam. Mabilis nitong nabasa ang may malisya na titig ng guwardiya rito. "Miss Salvator was having a meeting with me when someone called her to rush over here. So, I decided to drop her here." Pagkatapos nitong magsalita ay balewala itong kumuha ng yosi sa gold plated cigarette case nito at sinindihan nito ng gold ding lighter nito. Binuga nito ang usok, like he doesn't care if it will disgust othe