Chapter 7

NANDITO pa rin kami sa resort ni Eli, last day na namin bukas. Nakapag relax din naman ang lahat. Di ko na din nilapitan si Clyde o kahit sulyap ay di ko ginawa. Kailangan ko na talaga siyang iwasan.

"Maligo ka naman Sheena," yaya sa akin ni Jen.

Ngiti lang ang sinagot ko sa kanya. Hapon na din hindi na masakit sa balat ang init. Wala si Ivy sa grupo namin, nandoon sa grupo ni Clyde. Gusto nitong makipaglapit kay Clyde at hindi ko pinigilan si Ivy. Buhay niya iyan, kaya wala akong karapatan na pigilan ito sa gusto nito.

Nanatili ang tingin ko sa dagat. Ayaw kong dumako ang tingin ko sa grupo nila Clyde. Iniwasan ko na din kasi si Clyde kahit sa suite namin pag nandoon siya ay di ako lumalabas.

Tumayo ako at nagpunta sa isang bahagi ng resort. Medyo madilim doon. Gusto kong iwasan na marinig na tinutukso si Clyde kay Ivy. Kasi parang dinudurog ang puso ko nang paulit-ulit.

Di pa man ako nakakarating sa may bato ay may humila sa akin at isinandal ako sa may puno ng niyog. Nabanaag ko an