Chapter 24: INTO YOUR ARMS

Isa lang naman ang solusyon sa problema ni Prim. Magsabi lang ng totoo sa mga anak ngunit hindi ito magiging madali para sa kanya lalo na sa estado ng buhay ni Matthew. Hindi sila puwedeng magsama dahil may asawa na ito. Pero hindi rin naman iyon ang gusto niyang mangyari. Gusto lang niyang ipaalam sa lalaki ang buong katotohanan. Gusto rin niyang ipaalam sa mga bata kung sino si Mr. Aragorn sa buhay nila.

Maagang nagpahatid si Prim pabalik ng siyudad. “Gusto ko nang umuwi, Mr. Aragorn.” Hindi na siya napigilan ni Matthew. Sinenyasan niya ang alalay at ang driver nito.

“Siguraduhin ninyong iingatan ninyo ang aking mahal na reyna,” utos niya habang nasa gazebo siya.

“Yes, Boss!” Sumaludo pa ang dalawa.

Nagpaiwan si Matthew habang nag-enjoy sa magandang tanawin doon. Ayaw muna niyang bumalik sa Maynila. Wala naman siyang daratnan sa bahay. Tinawagan muna niya si Naomi at tinanong kung kumusta s