CHAPTER 5

Natagpuan ni Kianna ang sarili na naglalakad sa gilid ng kalsada nang walang tiyak na direksyon. Malamig ang hangin ng gabi ngunit hindi niya iyon maramdaman dahil mas nangingibabaw ang sakit na bumabalot sa dibdib niya ng mga sandaling iyon.

Ayaw pa nga sana niyang umalis sa restaurant kung hindi lamang siya inabutan ng closing time. Halos apat na oras siyang naghintay doon, umaasang darating si Preston, umaasang sa pagkakataong ito ay pipiliin naman siya nito kaysa trabaho.

Pero tulad ng dati… naiwan na naman siyang mag-isa. Naghintay na naman siya sa wala. Marami rin siyang nainom na alak kaya hindi na maayos ang mga hakbang niya habang naglalakad. Pasuray-suray. Walang pakialam kung napapatingin na sa kanya ang mga taong nadaraanan niya.

She was crying out loud habang naglalakad sa madilim na sidewalk, tila wala nang pakialam kung mukha man siyang baliw sa paningin ng iba. Masakit, sobrang sakit ng nararamdaman niya.

Paano ba naman, matapos ang apat na oras na paghihintay ay isang simpleng text lang ang natanggap niya mula sa nobyo.

'Sorry, babe. I won't be able to make it. Nagkaroon kami ng emergency meeting and I'm still at the company. I hope you understand. I love you.'

Napatawa siya nang mapait habang pinapahid ang walang tigil na pag-agos ng luha sa pisngi niya. Understand. Palagi na lang bang ganoon? Palagi na lang siyang kailangang umintindi? May nobyo nga siya pero hindi naman niya maramdaman ang presensya nito bilang boyfriend.

Ang gusto lang naman niya ay simpleng oras. Simpleng atensyon. Kahit kaunting pagmamahal lang. Pero bakit pakiramdam niya… sobra-sobra na agad iyong hinihingi niya?

Napahinto siya sa paglalakad at napatingala sa madilim na langit. Kung sana madali lang hiwalayan si Preston… Kung sana kayang-kaya lang niyang bumitaw. Pero paano? Paano niya gagawing madali iyon kung mahal na mahal niya ang lalaki?

Ito ang unang lalaking minahal niya nang totoo. At sa loob ng ilang taon, ginawa niya ang lahat para manatiling maayos ang relasyon nila. Pero paano kung si Preston mismo ang dahilan kung bakit unti-unti iyong nasisira?

Napapikit siya. What should I do? Paano niya maibabalik ang dating Preston? Iyong lalaking sweet, maalaga, thoughtful… Iyong lalaking dati ay hindi kayang lumipas ang isang araw nang hindi siya kinakamusta at hindi siya nakikita.

Hindi siya papayag na basta na lamang mawala ang relasyon nila dahil lang sa trabaho. Kailangan niyang gumawa ng paraan para maisalba ang apat na taong relasyon nila.

Bigla niyang naalala ang usapan nila ni Gigi kahapon. Unti-unting nanlaki ang mga mata niya.

The host club…

Iyon lang yata ang natitirang paraan. Kung nagawa ni Gigi na ibalik ang atensyon ng nobyo nito gamit ang isang male host… baka gumana rin iyon para sa kanya.

“Yeah… that’s it,” mahina niyang bulong sa sarili.

Gagamit siya ng lalaki para pagselosin si Preston. At ayon kay Gigi, sobrang effective daw niyon. Nakita rin naman niya ang naging resulta niyon. Nagbago si Calvin. Naging mas sweet, maalaga at mapagmahal nito.

Bakit hindi niya subukan? Para sa relasyon nila. Para sa pagmamahal na unti-unti nang nanlalamig. Para kay Preston. Kahit ano… gagawin niya.