CHAPTER 54

Ciara's POV

Nang matapos ang huling klase namin ay sabay na kaming lumabas kasama ng mga kaibigan ko nang namataan kong nasa labas ng hallway si Zam at tila ay inaabangan ako.

Napalingon naman ako sa kanila Patrick at Patricia, "Mauuna na kayo at mag-uusap lang kami," sabi ko at kaagad naman silang tumango at lumisan.

Tiningnan kong muli si Zam at nakita kong ngumiti siya sa'kin, "Uhh, Ciara? P-pwede ba tayong mag-usap?"

"Sige. Doon nalang tayo sa may milk tea shop at para makapag-usap tayo ng maayos," tumango naman siya sa'kin at sabay na kaming bumaba.

Nakita ko pa sa may gate ang kambal kasama nina Angelo at Rafael. Kinawayan ko lamang sila at nagsenyales na hindi na ako makakasabay pa sa kanila.

Pumasok naman kami sa milk tea shop at kaagad nag-order ng drink. Hindi naman tumagal ang paggawa dahil mabilis lamang nilang nagawa 'yon kaya kinuha na namin ang order namin at umupo sa may isang gilid.

Bago ako magsalita ay pinangunahan niya ako nang hinawakan niya ang mga kamay ko, "Cia