Chapter 6

Hindi na niya napigilan pa ang kanyang sarili na sampalin si Nyle. Kita niya ang gulat sa mukha nito subalit mabilis iyong nawala at napalitan ng isang nakakalokong ngisi habang hinihilot nito ang nasaktang pisngi.

"Did I hit the nerve?" Anito sa nakakalokong boses.

"Kahit paman may kailangan ako sa'yo, wala kang karapatan na sabihan ako ng ganyan!" May diin niyang bigkas.

Sarkastiko namang natawa si Nyle. "I won't say those words if I don't have a proof Natalie. And unfortunately, I know what kind of woman you are. Tsaka ayaw mo pa nun? Iisang lalaki lang ang gagamit sa'yo. Hindi paiba-iba. You'll have the lower risk of getting sick. You can consider this as favor from me. Don't you think so?"

Malakas na ibinagsak niya sa mesa ang marriage application na hawak niya kasabay ng marahas niyang pagtayo. "Kung ganyan rin lang naman ang magiging kondisyon mo, mas mabuti pang wag na nating ituloy 'to!" Matapang niyang asik at marahas na tumayo mula sa kanyang kinauupuan.

Nagsimula na siyang maglakad paalis nang muling magsalita si Nyle dahilan para matigil siya sa paghakbang.

"So? You're willing to give up Nigel's treatment just to save your ego?"

Mariin siyang napapikit kasabay ng pamalisbis ng masagang luha mula sa kanyang mga mata ay pagyukom ng kanyang kamao.

Agad niyang naisip ang kalagayan ni Nigel. Kung aalis siya at hindi pumayag sa nais ng hayop na ito, mahihirapan naman ang anak niya. Nais man niyang maging makasarili subalit isa na siyang ina.

Hindi niya naranasan na magkaroon ng maginhawang buhay noong bata pa siya dahil wala naman siyang kinamulatang mga magulang. At hindi niya nais na iparanas ang hirap ng buhay kay Nigel.

"If you want to save Nigel then come back here and sit down Natalie," dagdag pa ng lalaki.

Dahan-dahan siyang napalunok kay Nyle. Sa klase ng ugali na meron ang lalaki, mas lalong hindi niya nais na ipagkatiwala dito si Nigel dahil sigurado siyang hindi magandang asal ang ituturo nito sa anak niya. Baka magaya pa si Nigel sa lalaki!

Mabigat man sa loob niya, dahan-dahan siyang naglakad pabalik sa kinauupuan niya kanina. Bakas naman ang tuwa sa mukha ni Nyle nang makita ang kanyang naging aksyon.

Huminga siya ng malalim bago muling nagsalita. "Pumapayag na ako sa gusto mo," mahina at may diin niyang bigkas.

Umangat ang sulok ng labi ni Nyle. "I knew it. Hindi mo talaga matitiis si Nigel," nanunukso nitong wika.

"Yun lang ba lahat?" Pag-iiba niya ng usapan.

Marahan namang umiling si Nyle. "Hindi pa. May isa pa akong kondisyon."

Mariin siyang pumikit para pakalmahin ang kanyang sarili. "Ano pa bang nais mo?" Naiinis na niyang tanong.

Sobrang dami na nitong kondisyon. Kung tutuusin ay hindi na nga kailangan iyon dahil anak naman nito ang pinag-uusapan nila.

"Since our marriage will be private, doon kayo titira ni Nigel sa bahay na ihahanda ko para sa inyo. Hindi ka na pwedeng lumabas ng bahay ng walang pahintulot mula sa akin."

"Balak mo ba akong gawing preso?" Kunot noo niyang sambit.

Nagkibit balikat si Nyle. "Call it whatever you want. I cannot compromise our connection. Being married to you will bring a negative impact in my name and reputation—"

"Then bakit mo ako pakakasalan?" Putol niya sa sasabihin sana ng lalaki.

"Because I want to and to show you that I can do and get anything I want. Are you satisfied with my answer?" Sarkastiko nitong bigkas.

"Napakasama mo!"

"Likwise."

"Ano ba talagang pinaplano mo at kailangan mo pa akong pakasalan?" Puno ng panggigigil niyang asik.

"You will find that out once you sign the application."

Hindi na siya nagsalita pa at nanatili lang na nakatitig kay Nyle. Sobrang laki na talaga ng ipinagbago nito. And he had changed for the worse!

"Anyway, I still have another condition," pag-iiba nito ng usapan.

Muli siyang bumuntong hininga. "Ano pa ba?"

"Once you signed that paper, kailangan mo akong ipakilala kay Nigel bilang ama niya. Tell him a good reason why I'm not around him during his younger years o mas mainam na maging tapat ka sa kanya at aminin mong ipinagkait mo siya sa akin at itinago kaya hindi ko siya nakasama."

"Hindi ko siya itinago sayo!"

"Yeah right. I don't wanna argue with you on that matter dahil alam ko naman na hindi ka talagang aamin. And lastly, the moment you enter my house, Nigel should not call you his mother again."

Nangunot ang kanyang noo sa narinig. "Anong... anong ibig mong sabihin?"

"You won't be Nigel's mother from now on. You will become his... nanny…”