Chapter 13: Ang muling pagkikita

"ANO ang nangyari?" tanong ni Steven kay Tony nang biglang tumigil sa pagtakbo ang saskayan.

"Plat po yata ang gulong, Sir. Sandali po at tignan ko." Nagmamadali siyang bumaba ng sasakyan at hindi na hinintay ang sasabihin ng binatang amo.

Binuksan lamang ni Steven ang bintana ng sasakyan at sinundan ng tingin ang pagpunta ni Tony sa likuran ng sasakyan. Pagtingin niya sa isang gulong sa bandang hulihan ay plat nga iyon. Tinignan niya ang pambisig na orasan, kung tatagal pa sila doon ay ma late na siya sa kaniyang pupuntahan.

"Sir, pasensya na po sa aberya. Hindi ko alam kung bakit nabutas ang gulong. Mas mabuti pa po siguro na magpasundo kayo dito sa kakilala mo para sa iyong kaligatasan. Maiwan na po muna ako dito hanggang sa dumating ang tinawagan kong talyer."

Naintindihan ni Steven ang ginoo at hindi siya nagalit dito. Hindi nga safe para sa kaniya ang lugar na kinaroonan nila ngayon. Magda-dial na sana siya ng numero ng kaibigan na nasa site rin na pupuntahan niya nang biglang m