Chapter Sixty

CHAPTER 60

           

KANINA pa ako kumakatok sa bahay nila Camilla. Hindi na ako halos nakatulog dahil sa pag-iisip kung anong mangyayari ngayong araw. Ang kakambal ko ay panay ang pagc-cheer sa’kin bago ako umalis kanina. Huminga ako ng malalim.

Mukha yatang wala ulit tao. Saan kaya siya nagpupunta? Anong ginagawa niya? Nakakakain ba siya ng maayos?

“Camilla! Tao po!” sigaw ko.

Baka mamaya ay nasa loob lang siya at tulog o kaya naman ay ayaw niya lang talaga akong kibuin o kaya labasin.

“Baby! Let’s talk! Kausapin mo na ako!” sigaw ko ulit sabay ng makalas na katok sa pinto.

May mga iilang tao nang pinagtitinginan ako hanggang sa may isang matandang lumapit sa’kin.

“Ato,” tawag nito.

Humarap ako at tinanguan ang matanda.

“Bakit po?”