Chapter 62

The board members are desperate to have me in the upcoming anniversary. Nasa plano ko naman ang pagbalik sa bansa pero hindi ngayong linggo.

Wala sa plano ko na umuwi ngayong linggo and yet hindi nila ako tinatantanan.

“I guess we have no choice but to go back, anak,” si Nanay habang nakakandong sa kanya si Shelo. “We will stay there for at least a month. Ipapasyal din natin si Shelo roon.”

Bumuga ako ng hangin at saka hinilot ang sentido ko.

“I guess we have to go back,” pagsang-ayon ko. “Pero isang buwan lang at babalik agad tayo rito.”

Tumango si Nanay at saka ibinaling na ang atensyon niya sa anak ko.

I have no plans to stay there. Kailangan ko rin aasikasuhin ang annulment naming dalawa ni Sheldon at tingin ko, sakto na iyang one month. Baka kasi, hinihintay lang ako ni Sheldon na mag-file para makalaya na siya sa akin.

Apat na taon na ang nakalipas, siguro naman ay nagbago na siya.