Chapter 65

“Saan ka ba galing, Alexa?” tanong ni Nanay nang nakita niya akong pumasok sa bahay na nakasimangot. “Akala ko ba mamamasyal ka lang? Tumagal naman yata ang pamamasyal mo?”

Umupo ako sa sofa at tumingala sa kisame. “Pasensya na, Nay. Masyado ko lang na-miss ang Azura.”

Hindi nawala isip ko si Sheldon. Nagbago na talaga siya. Sa physical pa lang, alam kong laki na ng ipinagbago niya. Mas lalo siyang gumwapo at mas lalong gumanda ang kanyang pangangatawan. Bakit niya kaya binili ang lupain na iyon?

Kinurot ko na lang ang pisngi ko. Hindi na ako babalik doon lalo na’t siya na pala ang may-ari. Masyado talagang maraming nangyari sa loob ng apat na taon.

“Nay, si Shelo?” Binalingan ko si Nanay.

“Kasama ang apo ni Ena! Mabuti at may apo pala siya na lumalagi rito, mukhang may makakalaro na ang anak mo habang inaasikaso mo ang dapat mong aasikasuhin,” si Nanay.

Nakahing