Chapter 64

Tulala akong nakaupo sa aking swivel chair. Hindi ko inaasahan ang tawag ni Sheldon at sa sobrang taranta ko ay naibaba ko ito. Napasinghap ako at tinakpan ang bibig ko.

Masyado ba iyong bastos? Namilog ang mata ko at saka napakurap-kurap. Hindi niya naman ako masisisi! Apat na taon na ang nakalipas tapos bigla siyang tatawag na parang walang nangyari?

Bumuga ako ng hangin at saka ipinilig ang aking ulo. Hindi ko na dapat iisipin iyon. Pinapangako ko na magiging civil na lang kami ni Sheldon at wala nang iba. Hindi naman ako magtatagal sa Azura dahil babalik ako. Doon na kasi ang buhay ko at wala na rito.

Hinilot ko ang aking sentido at nahagip ng tingin ko ang isang black na invitation card. Kumunot ang noo ko at kinuha ko ito.

“Masquerade ball?” naitanong ko sa sarili ko at saka binasa ang laman.

Nalaman ko na lang na ang tema pala ng anniversary special ay masquerade ball. Ngumuso ako at biglang na-excite. Ibinaba ko ang invitation c