Kabanata 102 - Special Chapter 2 - Aldrick

Princess Atasha Minette Altamirano. Siya ang prinsesa na nakatakda ko na pakasalan. Hindi pa kami nagkikita pero malimit ko na rin na naririnig ang kan’yang pangalan lalo na kapag nababanggit ang kan’yang nakakatandang kapatid na prinsipe na si Prinsipe Akiro Altamirano.

Hindi madalas na sumasama at nagpapartisipa ang prinsesa sa mga programa ng mga kaharian sa Genova. Hindi rin siya dumadalo sa mga taunan na handaan upang magkakila-kilanlan ang mga prinsipe at prinsesa. Kung ako ang tatanungin sa pakiwari ko ay ayaw niya ang pagiging prinsesa niya.

Marami ang mga bali-balita na suplada ang babaeng anak ng mga Altamirano. At mas pasaway raw ang prinsesa kaysa sa kapatid na prinsipe. Hindi raw basta-basta na pumapayag sa kagustuhan ng hari at reyna si Prinsesa Atasha kahit na magulang pa niya ang may utos.

Dahil sa mga impormasyon na iyon na nakalap ko sa tulong ni Elon ay inaasahan ko na ang matinding pagtutol niya sa kasalan namin. Sigurado ako na magwawala ang prinsesa kapag nalam