Kabanata 22.1

Papunta kami ngayon sa Royal Designs, ang kumpanya na inumpisahan ni Akiro rito sa Pilipinas. Napagpasiyahan namin na ngayon na pumunta dahil nalalapit na rin ang pagbabalik ni Akiro sa Genova.

Masaya ang mga naunang araw namin dito dahil naging maayos ang lahat. Kahit si Aldrick ay maayos na nagagawa ang kan’yang trabaho buhat sa bahay. Naging abala rin siya simula nang pagdating namin upang tutukan ang ilang gawain na naiwan niya sa Genova.

Masaya rin si Ashira sa bago niya na tirahan. Kinaaaliwan niya ang paliligo sa pool at pamamasyal sa hardin.

Kagaya nang ipinangako ni Akiro hindi ako masyado na naaalibadbaran sa mga guards na itinalaga niya dahil malimit ay hindi naman sila nagpapakita sa amin. Tinatanaw at binabantayan nila kami sa tamang distansiya.

Ngayon ay naiwan si Aldrick sa bahay dahil may importante na pagpupulong na kailangan niya makadalo kasama ang kan’yang mga magulang. Susunod na lamang siya sa amin mamaya pagkatapos niya sa miting niya.

“Are you ready to m