Kabanata 31.1

Matapos ang pag-uusap nina Colton at Celsius ay nakaramdam siya ng kakalmahan. Bawas na sa kan’yang alalahanin ang banta ni Ofelia. Pagkatapos siguruhin ng ama na tangi na siya lamang ang may karapatan sa Mijares Empire ay alam na niya na kahit na ano pa ang gawin nina Ofelia at Yulence ay hinding-hindi siya mapapatalsik sa puwesto. Ang suporta na nanggagaling sa ama niya ang siyang nakapagbibigay sa kan’ya ng kumpiyansa at kapanatagan.

Ngayon ang aatupagin ni Colton ay ang muli na pagtuklas sa katotohanan sa pagkatao ni Ashira Coline. Sigurado siya na hindi aaminin ni Atasha ang tungkol sa bata. Nakita niya ang matindi na kagustuhan nito na mailihis sa kan’ya ang katotohanan.

Hindi niya malaman ang dahilan ni Atasha at hindi niya na kaya antayin na maging handa siya na isambulat ang katotohanan. Kaya siya na mismo ang gagawa nito para magkaroon ng katahimikan ang isip niya.

Alam ni Colton na hindi pa nakikipagkita si Atasha sa mga matalik na kaibigan niya. Base sa huli na pagbisita