Kabanata 5

Mula sa eskwelahan, agad na dumiretso sina Laureen at Zendaya sa opisina ni Zach. Nagsalubong naman ang kilay ng lalaki nang makita ang anak niyang umiiyak.

"Anong nangyayari, Laureen?"

Pinaupo muna ni Laureen si Zendaya sa sofa at pinainom ng tubig bago hinarap si Zach. "Napaaway si Zendaya sa academy. Cyan was also there but instead of settling things, pinagalitan pa niya si Zendaya kahit na wala naman siyang kasalanan that's why she's crying. Mabuti nalang at tinawagan ako ng anak mo kaya sinundo ko na siya at dinala dito," paliwanag ni Laureen.

Naiyukom naman ni Zach ang kanyang kamao habang pinagmamasdan niya ang anak niya. Namumugto na ang mga mata nito sa kakaiyak.

"Daddy... Tita Cyan also hurt Tita Laureen."

Nanlaki ang mga mata ni Laureen at umiling subalit mabilis na dumako ang mga mata ni Zach sa nasaktang pisngi ng babae.

"Where's Cyan?" Malamig niyang tanong.

Isang buntong hininga ang pinakawalan ni Laureen bago sumagot. "I don't know. Inuna ko na si Zendaya na ilayo sa kanya, Zach. I'm afraid at baka kung ano pa ang gawin niya."

Kumulimlim ang mukha ni Zach kasabay ng pagyukom ng kanyang kamao. "I'm taking Zendaya home. Sumabay ka na sa amin. Ihahatid na kita pauiw.

Lihim na napangisi si Laureen. "Okay, but Zach, please, you also have to calm down kapag umuwi ka sa mansion. Kahit na galit ka, babae parin si Cyan. You must not hurt her, okay?"

Huminga ng malalim si Zach bago tumango.

“Promise me, Zach,” untag ng babae sa kanya nang hindi siya sumagot.

“Okay. I promise,” aniya at nilisan na ang kanyang opisina kasama ang dalawa.

Mabigat ang loob ni Cyan na umuwi ng mansion. Pagdating niya ay dumiretso siya sa loob ng silid nila ni Zach. Yes, iisa ang silid nila and it was also Zach and Chloe's room before. Nang nasa loob na siya ay hindi na niya mapigilan pa ang sarili niyang mapaiyak. Sobrang bigat ng loob niya. Sobrang nahihirapan na siya sa sitwasyon niya. Pagod na siya. She wanted to escape and run away like what she did ten years ago.

Hindi niya alam kung ilang minuto o oras siyang nanatili sa ganung posisyon. Maya-maya pa'y napasulyap siya sa larawan nina Zach at Chloe na naroon sa bedside table. Dahan-dahan niya iyong dinampot at mataman na pinagmasdan. Mukhang masaya naman ang dalawa sa pagsasama nila noon.

"Why is it so hard to be on your shoes, Chloe? Ito na ba ang parusa mo sa pang-iiwan ko sayo noon?" Hindi niya napigilang sambit.

Akmang hahaplusin niya ang nakangiting mukha ng kanyang kapatid nang bigla nalang may humablot sa larawan. Nag-angat siya ng tingin at agad na sumalubong sa kanya ang naniningkit na mga mata ni Zach...

"Zach," mahina niyang sambit.

Dahil masyado siyang nalulunod sa emosyon na namamayani sa kalooban niya, hindi niya napansin na umuwi na pala ang lalaki.

Napasulyap ito sa larawan na kanyang dinampot bago iyon muling ibinalik sa bedside table. "I told you not to touch any of my personal things. Are you that damn stupid para hindi mo maintindihan ang mga sinabi ko?" Galit nitong asik.

Pinahid niya ang mga luha sa kanyang pisngi bago tumayo. "I'm sorry," tanging nasabi niya at akmang lalampasan na ang lalaki subalit marahas nitong hiniklas ang kanyang braso.

"Where are you going? Hindi pa tayo tapos mag-usap!" May diin nitong bigkas.

Napaigik siya dahil sa mahigpit na pagkakahawak nito sa kanyang braso. "You're hurting me, Zach."

"Masasaktan ka talaga! You caused a commotion at Zendaya's academy!"

Dahan-dahan siyang nag-angat ng tingin kau Zach. Kita niyang nag-aapoy sa galit ang mga mata nito. "You scolded my daughter infront of other people? Anong klaseng guardian ka ba? Ganyan ka ba pinalaki ng mga magulang mo?"

Matapang niyang sinalubong ang galit nitong titig. "Ginawa ko lang ang tama, Zach. It's Zendaya's fault this time. What do you want me to do? Kunsintihin siya sa mga maling ginagawa niya? And correction, I didn't scolded your daughter. I just told her what she should do! This all happening because you are not raising her the way she should be!"

"Stop lying, damn it! Palagi ka nalang talagang nagmamagaling! Ano bang alam mo sa pagpapalaki ng bata? I have been raising my daughter for years noon while you're busy walking almost naked on the runway! Wag mo akong pangaralan sa kung paano ko palalakihin si Zendaya, Cyan. Asawa lang kita sa papel. Wala kang karapatan sa lahat!"

Pagod niyang tiningnan si Zach. Halos paulit-ulit lang naman ang argumento nila sa tuwing nagtatalo sila. "Why don't you ask your daughter about what really happened?"

Sarkastiko namang natawa si Zach. "Nagkausap na kami, Cyan. You scolded her even when she's not at fault. Hindi ka pa talaga nakuntento at sinampal at pinahiya mo pa talaga si Laureen sa harapan ng maraming tao?"

Nangunot ang noo ni Cyan. Base sa mga katagang lumabas sa bibig ni Zach, mukhang nagsabwatan ang dalawa para idiin siya. Gayunpaman ay hindi siya makakapayag na hindi ipagtanggol ang sarili niya. "Siya ang nauna. I just defended myself."

Pinaningkitan naman ni Zach ng mga mata si Cyan. How can Laureen hurt her gayong hindi nga halos marunong magalit ang babae? "Liar! Kilala ko si Laureen. She isn't a violent person. Wala siyang ibang ginawa kundi maging ina kay Zendaya, bagay na hirap na hirap kang gawin."

Ngayon ay si Cyan naman ang sarkastikong natawa. Paano niya gagampanan ang pagiging isang ina kay Zendaya kung hindi naman siya pinagbibigyan ng mga ito? "Mukhang hindi lang si Zendaya ang nabilog ni Laureen. Ikaw din pala Zach," hindi napigilan niyang sambit.

Mas lalo pang nag-umapaw ang poot sa mga mata ni Zach. "Tumigil ka na sa kakasira kay Laureen sakin, Cyan. Kahit na anong sabihin mo, Laureen is a good woman. At kahit na sisiraan mo pa siya sakin ng ilang beses, hinding-hindi maibabaling sayo ang pagtingin ko. I won't love you the way I have loved Chloe before at mas lalong hinding-hindi kita mamahalin gaya ng pagmamahal na ibinigay ko kay Laureen ngayon," may diin nitong bigkas.

Parang punyal na tumatarak sa puso niya ang bawat katagang binitawan ni Zach. Sa loob ng dalawang taon, wala siyang ibang ginawa kundi ang maging mabuting asawa kay Zach at magpaka-ina kay Zendaya pero kailanman hindi nakita ng dalawa ang kanyang halaga.

Ang tanging nais lang naman niya ay ayusin ang pagsasama nila. Pero napagtanto niyang ginawa niya lang tanga ang sarili niya dahil kahit anong gawin niya, mananatiling si Laureen ang bida sa mga mata ng mag-ama.

Maybe it's the karma of falling inlove with her sister's husband. She was slapped with the truth that no matter what effort she brings, nothing will change. And she will just exhaust herself in the process. She may be inlove, but she's not a martyr type in the first place. Why did she let this family treat her like trash?

"Then let's stop this fúcked up relationship, Zach. I want an annulment..."